سەردێڕ:

سکرتێری نەجمەدین کەریم ​دەستگیرکردنی نەجمەدین کەریمی ڕەتکردەوە

فۆتۆ: 
2019-05-21

13595 جار خوێندراوەتەوە

دیجیتاڵ میدیای ئێن ئار تی، کەرکوک، نەبەز میقداد

سکرتێری تایبەتی نەجمەدین کەریم پارێزگاری پێشووی کەرکوک ڕەتیکردەوە نەجمەدین کەریم لە فڕۆکەخانی بەیروت دەستگیرکرابێت.

نەشوان جەلال سکرتێری تایبەتی نەجمەدین کەریم بە دیجیتاڵ میدیای ئێن ئاڕتی ڕاگەیاند، ئەو هەواڵانە رەتدەکەنەوە کە باس لە دەستگیرکردنی نەجمەدین کەریم دەکەن.

ئاماژەی بەوەشکرد، نەجمەدین کەریم، شەوی یەکشەممەی ڕابردوو سەفەری کردووە بۆ لوبنان.

جەختیشیکردەوە ئێستا لە دەرەوەی وڵاتە و هەفتەی داهاتوو دەگەڕێتەوە هەرێمی کوردستان.

ئاماژەی بەوەشکرد، هەواڵی دەستگیر کردنەکەی  دوورە لە ڕاستییەوە و پێشتریش هەواڵی لەو شێوەیە بڵاوکراوەتەوە.

ئەوەش لە کاتێکدایە پێشتر ژمارەیەک لە میدیا عێراقییەکان هەواڵی دەستگیر کردنی نەجمەدین کەریم پارێزگاری پێشووی کەرکوکیان لە فڕۆکەخانەی بەیروت بڵاوکردەوە.

 ع.م