سەردێڕ:

نەجمەدین کەریم لە لوبنان دەستگیرکرا

فۆتۆ: 
2019-05-21

46633 جار خوێندراوەتەوە

نەجمەدین کەریم پارێزگاری پێشووی کەرکوک لە فڕۆکەخانەى بەیروت لە لوبنان دەستگیرکراوە.

سەرچاوەیەک کە نەیویستووە ناوی ئاشکرابکات بە ئێن ئاڕ تی عەرەبی ڕاگەیاندووە،  ئێوارەى ئەمڕۆ دوای ئەوەى نەجمەدین کەریم گەیشتووەتە فڕۆکەخانەى بەیروت ڕاستەوخۆ لەلایەن هێزە ئەمنییەکانی فڕۆکەخانەکەوە دەستگیرکراوە.

هاوکات ئاماژە بەوەشکراوە، باڵیۆزی عێراق لە لوبنان هاتووتە سەرخەت بۆ زانینی وردەکاری  و هۆکاری دەستگیرکردنەکەی.

ئەمەش لە کاتێکدایە پێشتر دەسەڵاتی دادوەری عێراق فەرمانی دەستگیرکردنی بۆ نەجمەدین کەریم دەرکردبوو بەهۆی بەرزکردنەوەى ئاڵای کوردستان لەسەر دامودەزگاکانی کەرکوک و بەشداری کردنی لە ڕیفراندۆمەکەى هەرێمدا.