سەردێڕ:

​ئێران: سه‌رجه‌م هێزه‌ چه‌كداره‌كانمان لە حاڵەتى ئامادەباشیدان

فۆتۆ: 
2019-05-03

7553 جار خوێندراوەتەوە

فه‌رمانده‌ی گشتیی سوپاى پاسدارانى ئێران ڕایگەیاند، سه‌رجه‌م هێزه‌ چه‌كداره‌كانی وڵاته‌كه‌یی ئاگادارکردووەتەوە لە حاڵەتى ئامادەباشیدابن لە ئەگەرى هەر هێرشێکى شەوانە.

عه‌بدولڕه‌حیم موسه‌وی فه‌رمانده‌ی گشتیی سوپاى پاسدارانى ئێران له‌میانى كۆبوونه‌وه‌یەکدا له‌گه‌ڵ فه‌رمانده ‌سه‌ربازییه ‌سه‌ره‌كییه‌كانی وڵاتەکەى ئاماژەى بەوەش کرد، پێویستە سەرجەم هێز و یەکە سەربازییەکان لەوپەڕى ئامادەباشیدابن و، بەردەوام لە مەشقى سەربازیدا بن لە ئەگەری هێرشی شەوانەدا.

ئەوەشی خستووەتەڕوو، هەرچەندە لە سەرەتادا هێرشى وشکانى دەستپێناکات، بەڵام دەبێت هێزى وشکانى لە ئامادەباشیدا بێت.

باسی لەوەش کردووە، دەبێت هەموو هێزەکانى وڵاتەکەى لە مەشق و مانۆڕى بەردەوامدا بن.

ئەم وتانەى فەرماندە سەربازییەکەى ئێران لەکاتێکدایە، دوێنێ فشار و گەمارۆکانى سەر ئێران لەلایەن ئەمریکاوە پێى نایە قۆناغێکى نوێوە و، ئەو هەشت وڵاتەش کە بەخشرابوون مامەڵەى بازرگانیی نەوت لەگەڵ ئێراندا بکەن ماوەى بەخشینەکەیان تەواوبوو.

هـ،ڕ