سەردێڕ:

قەڵادزێ.. سێ کەس بە تۆمەتی بەکارهێنانی ماددەی هۆشبەر دەستگیرکران

فۆتۆ: 
2019-04-25

1778 جار خوێندراوەتەوە

دیجیتاڵ میدیای ئێن ئاڕتی، رانیە، ئەیوب عەلی

بەڕێوەبەرایەتی ئاسایشی راپەڕین رایگەیاند، هێزەکانیان سێ کەسیان بە تۆمەتی بەکارهێنانی ماددە هۆشبەرەکان لە قەڵادزێ دەستگیرکردووە.

 محەمەد فازڵ، وتەبێژی ئاسایشی ڕاپەرین بە دیجیتاڵ میدیای ئێن ئاڕتی ڕاگەیاند، هێزەکانی یاریدەدەرێتی ئاسایشی قەڵادزێ بەهاوبەشی بنکەی ئاسایشی هێرۆ دوو تۆمەتباریان دەسگیرد، کەبڕی پێنج کیلۆگرام ماددەی هۆشبەریان لەجۆری کریستاڵ پێبووە و ویستوویانە لەوڵاتی ئێرانەوە هاوردەی هەرێمی کوردستانی بکەن.

ئەوەشی خستەروو، لە چالاکیەکی تری هێزەکانی بەشی ماددە هۆشبەرەکان لە بەڕێوەبەرایەتی ئاسایشی راپەڕین بەهاوکاری یاریدەدەرێتی ئاسایشی قەڵادزێ کەسێکیان دەستگیرکردووە، کەبڕی ٣٠٠ گرام ماددەی هۆشبەری لە جۆرەکانی هێرۆین و کریستاڵی پێ بووە.

لەئێستادا بەپێی ماددە ١٤ی تایبەت بە ماددە هۆشبەرەکان لەیاسای سزادانی عێراقی پەڕاوی لێکۆڵینەوە بۆ ئەو کەسانە کراوەتەوە.

 هـ.ع