سەردێڕ:

ڕێبوار تەها: کەسانى ناو حزب هۆکارى ئەو دۆخەن بەسەر کەرکوکدا هاتووە

فۆتۆ: 
2019-04-22

1671 جار خوێندراوەتەوە

پەرلەمانتارێکى یەکێتى لە پەرلەمانى عێراق ڕایگەیاند، کەسانى ناو حزب هۆکارى ئەو دۆخەن بەسەر کەرکوکدا هاتووە و سەرچاوەى کێشەکانیش گەندەڵین.

ڕێبوار تەها لەمیانەى بەشداریکردنى لە بەرنامەى تاوتوێی ئێن ئاڕ تیدا ئاماژەى بەوە کردووە، کێشەى کەسانى ناو حزب دۆخى کەرکوکیان بەو ئاڕاستەیە بردووە و یەکێک لە بنەما سەرەکییەکانى بوونى ئەو دۆخەش گەندەڵییە، کە لە پێشووتردا کراوە و، ئەو ئیدارەیەى کە سەربە یەکێتیش بووە لە کەرکوک لەو پرسانەى ئەمدواییە بەگوێی حزبەکەى نەکردووە.

ڕوونیشیکردەوە، بە هەستکردن بە بەرپرسیارێتى لەگەڵ هاوڵاتییانى کەرکوک هەڵسوکەوت نەکراوە و بە ناوى نەتەوایەتییەوە گەندەڵى لە شارەکەدا کراوە.

باسی لەوەشکرد، "ئەوانەی كەركوكیان خستە مەترسییەوە ڕۆژێك دێت دادگای خەڵكی كەركوك دادگاییان دەكات"

لەبارەى دیاریکردنى پۆستى پارێزگارى کەرکوک پەرلەمانتارەکەى یەکێتى وتیشی، دواكەوتنی پێكهێنانی حكومەت ڕێگرە لە دیاریكردنی ئەو پۆستە بۆ حزبەکەى.

ئ.ر