سەردێڕ:

عەلی باپیر: ئەو کابینەی نۆیەمە شایستەی ئەوە نیە کۆمەڵ تێیدا بەشدار بێت

فۆتۆ: 
2019-04-22

4652 جار خوێندراوەتەوە

دیجیتاڵ میدیای ئێن ئاڕ تی، کارزان تاریق، سلێمانی

ئەمیری کۆمەڵی ئیسلامی رایگەیاند، "ئەو کابینەی نۆیەمە شایستەی ئەوەنیە کۆمەڵ تێیدا بەشدار بێت".

عەلی باپیر ئەمیری کۆمەڵی ئیسلامی لە سیمینارێکدا رایگەیاند،"به‌شداریكردنی كۆمه‌ڵ له‌ حكومه‌ت له‌ ئێستادا خێری تێدا نه‌ماوه‌ و پێمباشه‌ به‌شداریی نه‌كه‌ن، چونكه‌ چێشتی فره‌ خۆش له‌ به‌ره‌وه‌ دیاره‌".

ئاماژه‌ی به‌وه‌شكرد، " ئەم کابینەی نۆیەمە شایستەی ئەوە نیە کۆمەڵ تێیدا بەشدار بێت."

دواتریش عەلی باپیر لە کۆنفرانسێکی رۆژنامەوانیدا روونیکردەوە، "ئێمە قسەمان کرد بڕیاری رەسمی و یەکجاری کۆمەڵی ئیسلامی سەرکردایەتی کۆمەڵی ئیسلامی بە میکانیزمی خۆی دەیدات، بەڵام من بە قەناعەتی شەخسی خۆم ئەم کابینەی نۆیەمە کە خەریکە مرداربێتەوە لە نێوان ئەو سێ لایەنەدا لەسەر پێگەو پۆست نەک لەسەر بەرنامەی کار ئاڵقاوە، بەشایستەی ئەوەی نازانم ئێمە تێیدا بەشداربین".

ئەمیری کۆمەڵی ئیسلامی ئەوەشی خستەروو، "ئێمە بیستوومانە هەم یەکێتی و هەم گۆڕانیش باسیان کردووە، کە ئێمە لە حکومەت بەشداربین بەڵام ئێمە نە کەسمان راسپاردووە و نە کیسەشمان بۆبەشداری لە حکومەت هەڵدووریوە و  نە زۆریش بە تامەزرۆیی بەشداریکردنین".

ئاماژەی بەوەشکرد، "بەڵام پێمانخۆشبووە ئەوەندە دوانەکەوتبایە، هیوادرین کابینەی داهاتوو کابینەیەک بێت لە ئاستی داواکارییەکانی خەڵکدا بێت".

زیاتر لە ٢٠٤ ڕۆژە هەڵبژاردنی پەرلەمانی کوردستان بەڕێوەچووە، بەڵام تا ئێستا بەهۆی ناکۆکی لایەنەپێکهێنەرەکانی کابینەی نوێ لەسەر دابەشکردنی پۆستەکان، کابینەی نوێی حکومەت پێکنەهێنراوە.

 هـ.ع