سەردێڕ:

دژە تیرۆری عێراق ١٢ چەکداری داعشیان لە باشوری کەرکوک کوشت

ئۆپراسیۆنکی هێزەکانی دژە تیرۆری عێراق
فۆتۆ: 
2019-04-19

1449 جار خوێندراوەتەوە

شانەی جەنگی سوپای عیراق بڵاویکردەوە، لە ئۆپراسیۆنێکدا لە قەزای حەویجەی باشوری ڕۆژئاوای شاری کەرکوک ١٢ چەکداری داعش کوژران و ١٢ چەکداری دیکەش لە پارێزگای ئەنبار دەستگیر کراون،.

 شانەی جەنگی سوپای عێراق ئەمڕۆ هەینی (١٩ی نیسانی ٢٠١٩) لە بەیاننامەیەکدا بڵاویکردەوە، لە ئۆپراسیۆنێکدا کە هێزەکانی دژەتیرۆر ئەنجامیانداوە، توانراوە ١٢ چەکداری داعش لە قەزای حەویجە بکوژن، کە ٤ کەسیان سەرکردەی داعش بوون.

 لە ئۆپراسیۆنەکەدا کە لە دۆڵێکی دەوروبەری قەزای حەویجە ئەنجامداراوە، توانراوە حەشارگەیەکی چەک و تەقەمەنی ڕێکخراوەکەش وێرانبکرێت.

سوپای عێراق ڕایگەیاند، ئەو چەکدارانەی ئەمڕۆ کوژراون، ئەوانە بوون دوو ڕۆژ لەمەوبەر هێرشیانکردووەتە سەر هێزەکانی سوپا لە دەوروبەری حەویجە.

لە لایەکی ترەوە لە ئۆپراسیۆنێکی دیکەی هێزەکانی دژە تیرۆر لە قەزای روتبەی سەر بە پارێزگای ئەنبار، ١٢ چەکداری داعش دەستگیر کراون و رێوشوێنی یاسایی لەبەرامبەریان گیراوەتە بەر بۆ ئەوەی ڕادەستی دادگا بکرێن.

ماوەیەکە چەکدارانی داعش لە ناوچەکانی دەوروبەری قەزای حەویجە وە تا سنورەکانی پارێزگای دیالە، جموجوڵیان دەستپێکردووە و ناوبە ناویش هێزە ئەمنییەکان ئۆپراسۆنیان لە دژ ئەنجام دەدەن.

ع.م