سەردێڕ:

کەشناسی هەرێم کەشوهەوای ڕۆژانی نەورۆزی بڵاوکردەوە

فۆتۆ: 
2019-03-19

111917 جار خوێندراوەتەوە

کەشناسی هەرێم  کەشوهەوای ڕۆژانی نەورۆزی بڵاوکردەوە و رایگەیاند رۆژانی پێنجشەممە و هەینی ئاسمان ساماڵ و پەڵەهەور دەبێت.

بەڕێوەبەرایەتی کەشناسی و بومەلەرزەزانی هەرێم، کەشوهەوای ڕۆژانی نەورۆزی بڵاوکردەوە و ڕایگەیاند، رۆژی پێنجشەممە (٢١ی ئازاری ٢٠١٩) ئاسمان ساماڵ و پەڵەهەور و هەندێک کات بۆ نیمچەهەور دەگۆڕێت.

هاوکات دووەم رۆژی نەورۆز هەینی (٢٢ی ئازاری ٢٠١٩) ئاسمان ساماڵ و پەڵەهەور دەبێت لە هەندێ ناوچە بۆ نیمچەهەور دەگۆڕێت، رۆژانی پێنجشەممە و هەینی پلەکانی گەرما بە چەند پلەیەک ڕوو لە بەرزبوونەوە دەکات.

هاوکات ڕۆژی شەممە (٢٣ی ئازاری ٢٠١٩) سێیەم رۆژی نەورۆز ئاسمان بە گشتی نیمچەهەور دەبێت لەگەڵ ئەگەری بارانبارینێکی کەم لە هەندێ کاتدا.

Image may contain: text