سەردێڕ:

روانگەی سوری: هەسەدە دواین ناوچەی ژێر دەستی داعشی لە رۆژهەڵاتی سوریا کۆنترۆڵکرد

دۆخی سوریا
شەڕڤانانی هێزەکانی سوریای دیموکرات
فۆتۆ: ئەرشیف
2019-02-16

5105 جار خوێندراوەتەوە

روانگەی سوری بۆ مافەکانی مرۆڤ رایگەیاند، ئەمڕۆ هەسەدە دواین ناوچەی ژێر دەستی داعشی لە رۆژهەڵاتی سوریا کۆنترۆڵ کردەوە.

روانگەی سوری رایگەیاند، ئەمڕۆ شەممە (١٦ی شوباتی ٢٠١٩) هێزەکانی سوریای دیموکرات دواین ناوچەی ژێر دەستی داعشیان لە رۆژهەڵاتی سوریا کۆنترۆڵ کردووەتەوە، دوای ئەوەی چەکدارەکانی داعش لەو ناوچەیە خۆیان رادەستی هەسەدە کردووە.

ناوچەی باغۆز دواین ناوچەی رۆژهەڵاتی سوریایە کە هەسەدە بە هاوکاری فڕۆکە جەنگییەکانی ئەمریکا کۆنترۆڵی کردەوە.

روانگەی سوری بۆ مافەکانی مرۆڤ کە بارەگاکەی لە لەندەنە، ئاشکراشی کردووە، سەرەڕای ئەوەی چەکدارەکانی داعش لە دوو رۆژی رابردوودا لە ناوچەکەدا خۆیان رادەستی هەسەدە کردووە، بەڵام تا ئێستا هەندێکیان لە نێو تونێلەکانی ناوچەکەدا ماون.

ئەمە لە کاتێکدایە دوێنێ دۆناڵد ترەمپ سەرۆکی ئەمریکا رایگەیاند، لە ٢٤ کاتژمێری داهاتوودا راگەیەندراوێک لەبارەى شەڕی داعشەوە ڕادەگەیەنن.

ع.ا