سەردێڕ:

١١ تۆمەتبار لە سلێمانى دەستگیرکران

فۆتۆ: 
2019-02-12

2077 جار خوێندراوەتەوە

پۆلیسی سلێمانى دەستگیرکردنى ١١ تۆمتباریان بە تۆمەتى جیاجیا دەستگیرکرد  کە بە وتەى پۆلیس یەکێک لە تۆمەتبارەکان منداڵێکى شێلاوە و هەڵاتووە.

ئەمڕۆ سێشەممە(١٢ى شوباتى ٢٠١٩) بەڕێوەبەرایەتى پۆلیسی پارێزگاى سلێمانى لە ڕاگەیەنراوێکدا ئاماژەى بەوەکردووە، لەماوەی هەفتەی ڕابردوودا هێزەكانی بنكەی پۆلیسی ڕاپەڕین ١١ تۆمەتباریان دەستگیركرد

ڕاشیگەیاندووە، چوار تۆمەتبار بەپێی ماددەكانی ٤٥٣ و ٤٥٦  دەستگیركراون كە فێڵیان لە هاووڵاتییان كردووە و پارەی هاوڵاتییان بەفێڵ بردووە  لەگەڵ دەستگیرکردنى سێ‌ تۆمەتباری دیکە بەپێی ماددەی ١١ی زیادەڕۆیی بۆسەر موڵكی دەوڵەت.

پۆلیسی سلێمانى ئەوەشى ئاشکراکردووە، تۆمەتبارێكی دیکە بەپێی ماددەی ٤٢٨ دەستگیركراوە كە پێشێلی شوێنی نیشتەجێبوونی كردووە ، تۆمەتبارێكی دیکەش منداڵێكی شێلاوە و هەڵاتووە، ئەو تۆمەتبارەش لە ئێستادا بەپێی ماددەی ٢٤ی هاتووچۆ ڕاگیراوە .هاوكات دەستیش گیراوە بەسەر دوو تانكەری گازدا كە بەدەر لەڕێنماییەكانی لیژنەكانی قائیمقامیەت گازەكەیان فرۆشتووە .

ئ.ر