سەردێڕ:

دەستپاکی عێراق: لە چوار ناوچەى کەرکوک مانگانە بە بەهای یەک ملیۆن دۆلار ئینتەرنێت دزراوە

فۆتۆ: 
2019-02-05

2932 جار خوێندراوەتەوە

دەستەى دەستپاکی عێراق ڕایگەیاند، بە بەهای یەک ملیۆن دۆلاری مانگانە لە چوار ناوچەى کەرکوکدا بە شێوەیەکى فراوان و نایاسایی گێگابایتى ئینتەرنێت دزراوە.

دەستەى دەستپاکی عێراق لە بەیاننامەیەکدا ڕایگەیاند، بە فەرمانێکی وەزاری و هاوکاری  هێزە ئەمنییەکانی کەرکوک توانراوە دەستبگیرێت بەسەر چەندین  تاوەر و شوێنی بردنی خزمەتگوزاری ئینتەرنێت کە بەشێوەی نایاسایی براون.

ئاماژە بەوەشکراوە، سەرجەم ئەو تاوەر و شوێنانە تێکدراون و ڕوخێندراون  کە لە هەر چوار ناوچەى  پردێ و  دبس و شوان و  سباکنین دانرابوون.

دەستەکە ئەوەشی خستووەتەڕوو، لەو چوار ناوچەیەدا مانگانە بە بەهای زیاتر لە یەک ملیۆن دۆلار گێگابایتی ئینتەرنێت کە موڵکی دەوڵەت بووە دزراوە.

ئەوەش ئاشکراکراوە،  پەڕاوی لێکۆڵینەوە بۆ ڕووداوەکە و ئەو کەسانەى ئەو کارەیان کردووە کراوەتەوە.