سەردێڕ:

ئەردۆغان و چاوشئۆغڵو سەردانی بەغدا و هەولێر دەکەن

رەجەب تەیب ئەردۆغان و مەولود چاوشئۆغڵو
فۆتۆ: ئەرشیڤ
2019-02-03

25684 جار خوێندراوەتەوە

مەولود چاوشئۆغڵو وەزیری دەرەوەی تورکیا رایگەیاند، رۆژانی داهاتوو دێتە شاری هەولێر و رەجەب تەیب ئەردۆغانیش سەردانی بەغدا دەکات.

بەپێی هەواڵێکی ماڵپەڕی ئێن تیڤی تورکی ئەمڕۆ یەکشەممە (٣ی شوباتی ٢٠١٩) مەولود چاوشئۆغڵو وەزیری دەرەوەی تورکیا رایگەیاندووە، لە رۆژانی داهاتوودا سەردانی بەغدا و هەولێر دەکات و رەجەب تەیب ئەردۆغانی سەرۆک کۆماریش دوای هەڵبژاردنە خۆجێییەکانی (٣١ی ئازاری ٢٠١٩)ی وڵاتەکەی سەردانی عێراق دەکات.

ئەوەشی خستەڕوو، بۆ سەردانەکەی ئەردۆغان بۆ عێراق دەست بە ئامادەکارییەکان کراوە.

چاوشئۆغڵو ئاشکرای کرد، تورکیا پێنج ملیار دۆلار قەرز بە عێراق دەدات و ئەمەش لە پێناو بونیادنانەوەی عێراقدا.

دەربارەی ئامانجی قەرزەکەی تورکیاش ئاماژەی بەوەدا، بازرگانەکانیان سود لەم قەرزە وەردەگرن و پارەکەش لەو پڕۆژە و کارە بازرگانییانەدا خەرج دەکرێت کە بازرگانەکانیان لە عێراقدا ئەنجامی دەدەن.

وتیشی، "بۆ تەواوکردنی رێکارەکانی پێدانی قەرزەکەش دەستمان بە کارەکانمان کردووە."

ع.ا