سەردێڕ:

دانیشتنى پەرلەمانی عێراق بۆ پەسەندکردنی بودجەی ٢٠١٩ دەستیپێکرد

هەشت مادەی بودجە پەسەندکراوە
فۆتۆ: 
2019-01-23

7712 جار خوێندراوەتەوە

 دانیشتنى پەرلەمانی عێراق بۆ پەسەندکردنی بودجەی ٢٠١٩ بە ئامادەیی ٢٨٧ پەرلەمانتار دەستیپێکرد.

پەیامنێری ئێن ئاڕ تی لە بەغداد ڕایگەیاند، هەر لە سەرەتای دانیشتنەکەوە پڕۆژە یاسایی بودجە خراوەتە دەنگدان و تا ئێستا چەند مادەیەکی پڕۆژە یاساکە پەسەندکراوە.

ئەمشەو پەرلەمانى عێراق بۆ پرسی بودجە و دەنگدانى کابینە وەزارییەکەى عادل عەبدولمەهدى کۆبوەتەوە و وا بڕیاریشە دەنگ لەسەر کاندیدانى وەزارەتى داد و پەروەردە بدرێت.

ڕێبوار کەریم پەرلەمانتارى کورد لە پەرلەمانى عێراق بە دیجیتاڵ میدیاى ئێن ئاڕ تی ڕاگەیاند، کێشەى کورد لە پڕۆژە یاسای بودجە کۆتایی هاتووە کە ئەگەر هەرێم پابەند نەبێت، بەغدا موچەى فەرمانبەران و پێشمەرگە بنێرێت لەمەشدا مەیلێک هەیە لەلایەن حکومەتى عێراقییەوە کە کێشەکانى لەگەڵ هەرێم کۆتایی پێبهنێت.

سەبارەت بە تەواوکردنى کابینەکەى عادل عەبدولمەهدى ئەو پەرلەمانتارە کوردە پێشبینیکرد تا سبەینێ پرۆژە یاسای بودجە سبەینێ تەواوبکرێت و سبەینێش میوانداریى عادل عەبدولمەهدى دەکرێت.

ئەوەش لەکاتێکدایە هۆشیار عەبدوڵا ئەندامى لیژنەى دارایی پەرلەمانى عێراق ڕایگەیاندبوو، لەڕەشنووسی بودجەى ساڵى ٢٠١٩ دا ئەو بڕگەیە جێگیرکرا کە لە حاڵەتێکدا هەرێم پابەند نەبێت بە ناردنی نەوت، موچەی فەرمانبەران و پێشمەرگە بنێردرێت و ئەمڕۆش دەخرێتە دانیشتنى پەرلەمانى عێراقەوە.