سەردێڕ:

پەرلەمانى عێراق کۆدەبێتەوە

هۆڵى دانیشتنەکانى پەرلەمانى عێراق
فۆتۆ: دیجیتاڵ میدیای ئێن ئاڕ تی
2019-01-22

1890 جار خوێندراوەتەوە

ئەمرۆ سێشەممە پەرلەمانى عێراق کۆدەبێتەوە و هێشتا دیار نییە پرۆژە یاساى بودجە دەخرێتە دەنگدانەوە یاخود نا.

ئەحمەد حاجى ڕەشید ئەندامى لیژنەى دارایی لە پەرلەمانى عێراق بە دیجیتاڵ میدیاى ئێن ئاڕ تى ڕاگەیاند، ئەگەر رێککەوتن لەسەر پشکى کورد و موچەى فەرمانبەران و پێشمەرگە بکرێت پرۆژەکە دەخرێتە دەنگدانەوە.

ئەحمەد حاجى ڕەشید وتیشی، هێشتا کارەکانى لیژنەى دارایی لەبارەى پڕۆژە یاسای بودجەوە تەواو نەبووە و تەنها پشکى کورد ماوە رێککەوتنى لەسەر بکرێت.

ئەوەشى خستەڕوو، هەرچەندە حکومەتى عێراق ڕازى بووە بەوەى ناردنى موچەى فەرمانبەران و پێشمەرگە نەبەسترێتەوە بە ناردنى نەوتى هەرێم لەرێگەى بەغداوە، بەڵام پەرلەمانتارانى شیعە و سوننە لە لیژنەى دارایی بەوە ڕازى نین و دەڵێن نابێت لەپەرلەمان ئەوە تێبپەرێنرێت، چونکە هیچ گرەنتییەک نییە لەو بارەیەوە.

ئەحمەد حاجى رەشید باسى لەوەشکرد، ئەگەر لەسەر ئەو پرسە بگەنە رێککەوتن، پڕۆژە یاسای بودجە دەخرێتە دەنگدانەوە و هەر ئەمڕۆ پەسەند دەکرێت.