سەردێڕ:

​هەولێر.. مەریەم باروچیانی بەناوی ژیان هەڵەبجەیی ناسنامەی عێراقی وەرگرت

فۆتۆ: 
2019-01-20

16426 جار خوێندراوەتەوە

مەریەم باروچیانی بەناوی ژیان هەڵەبجەیی ناسنامەی عێراقی لە دادگای باری کەسێتی لە هەولێر وەرگرت.

پەیامنێری ئێن ئاڕ تی ڕایگەیاند، لە کۆتا دانیشتنى دادگای هەولێر سەبارەت بە مەریەم باروچیانی، دادگا بڕیاریداوە  ناسنامەی پێ ببەخشرێت بە ناوی " ژیان هەڵەبجەیی".

هاوکات مەریەم باروچیانی (ژیان هەڵەبجەیی)  ڕایگەیاند، "سوپاسی ئێن ئاڕ تی دەکەم کە بۆ یەکەمجار من لە ڕێگەی ئەو کەناڵە و وریا حەمەکەریم پەیامنێری ئەو کەناڵەبوو کە توانیم بزانم کە من هاوناز نیم و لە ڕاستى ڕووداوەکە تێبگەم".

وتیشی، سەرۆکى حکومەت هەرێم بە نوێنەرایەتی هەموو خەڵکی کوردستان ناوی "ژیان"ی بۆ من هەڵبژاردووە وەک  نیشانەیەک بۆ مانای ژیان.

مەریەم ڕاشیگەیاند، زۆر خۆشحاڵە کە ئەو ناوەی پێدراوە  ولە ئێستادا  شانازی دەکات بە کوردبوونى خۆی و بوونی ناوی هەڵەبجە وەک نازناوی ئەو.

 ئەمەش لە دوای ئەوە دێـت، ماوەی سێ ساڵە مەریەم هەڵەبجەى وێڵە بە دوای دۆزینەوەى ناسنامەى ڕاستەقینە و باوک و دایکی خۆی و دوای ئەوەى ماوەیەک وەک هاوناز هەڵەبجەى ناسێندراوە گەڕایەوە لای خێزانێکى هەڵەبجە و بەڵام دواتر زانرا کە  هاوناز و دواتریش لەلایەن نێچیرڤان بارزانی سەرۆکى حکومەتەوە بڕیاردرا ناسنامەى پێبدرێت بە ناوی ژیان هەڵەبجەى.

هـ،ڕ