سەردێڕ:

کەشناسی هەرێم پلەکانی گەرمای ٢٤ کاتژمێری ڕابردووی بڵاوکردەوە

لە پێنجوێن و حاجی ئۆمەران نۆ پلە ژێر سفر بووە
فۆتۆ: کەشناسی هەرێم
2019-01-19

8160 جار خوێندراوەتەوە

بەڕێوەبەرایەتی کەشناسی و بومەلەرزەزانی هەرێم پلەکانی گەرمای ٢٤ کاتژمێری ڕابردووی بڵاوکردەوە و ڕایگەیاند ناوچەکانی پێنجوێن و حاجی ئۆمەران نزمترین ئاستی پلەی گەرمیان تیایدا تۆمار کراوە.

بەرێوەبەرایەتی کەشناسی و بومەلەرزەی هەرێمی کوردستان ڕایگەیاند، نزمترین ئاستی پلەی گەرما لە ٢٤ کاتژمێری ڕابردوودا ناوچەکانی قەزای پێنجوێن و ناحییەی حاجی ئۆمەران بووە و، نۆ پلە ژێر سفر تۆمار کراوە لەو ناوچانەدا.

هاوکات محەمەد عەبدول لەتیف بەرێوبەری هۆبەی پێشبینی کەشناسی عێراق ڕایگەیاند، پارێزگاکانی بەغداو سەڵاحەدین و سلێمانی نزمترین پلەی گەرمیان تێدا تۆمار کراوە کە ڕێژەکەی دوو پلە ژێر سفر بووە.

بەهۆی ئەو شەپۆلە بەفر و بارانبارینەی لە ماوەی چەند رۆژی رابردوودا هەرێمی کوردستان و عێراقی گرتەوە، پلەکانی گەرما لە هەندێك ناوچە بۆ ژێر پلەی سفر دابەزی.

د.ن

No photo description available.