سەردێڕ:

هەسەدە: دوو چەکداری بەڕەچەڵەک ئەمریکیی داعشمان دەستگیرکردووە

هەسەدە دوو چەکداری بەڕەچەڵەک ئەمریکیی ناو ریزەکانی داعشی دەستگیرکرد
فۆتۆ: ئەرشیڤ
2019-01-19

1922 جار خوێندراوەتەوە

هێزەکانی سوریای دیموکرات (هەسەدە) ڕایانگەیاند، ئەمرۆ شەممە (١٩ کانونی دووەمی ٢٠١٩)، هێزەکانیان چەند  چەکدارێکی داعشیان دەستگیرکردووە کە ناسنامەی  دوو کەسیان  ئەمریکییە.

هەسەدە لە بەیاننامەیەکدا بڵاویکردووەتەوە، لە ئۆپراسیۆنێکدا لە پارێزگای دێرزوور، هێزەکانیان بە هاوکاری هاوپەیمانەکانیان کە ئەرکیان پاراستنی یەکێتی نەتەوەیی کوردە لە ناوچەکانی سوریا، چەند چەکداری داعشیان دەستگیرکردووە کە دووکەس لەو چەکدارانە خەڵکی ئەمریکان.

ئاماژەیان بەوەش کردووە، هەر لەناو دەستگیرکراوەکاندا خەڵکی پاکستان و ئیرلەنداشیان تێدایە.

هەفتەی رابردوو و لەئەنجامی تەقینەوەیەک لەناو چێشتخانەی (ئەلئومەرا)ی شاری منبج  ١٩ کەس کوژران و ژمارەیەکی دیکەش برینداربوون، کە چوار لە کوژراوەکان سەربازی ئەمریکی بوون، دوای رووداوەکەش هەسەدە و هاوپەیمانان ڕێوشوێنی توندیان گرتەبەر بۆ دەستگیرکردنی ئەو کەسانەی کە لە پشت تەقینەوەکە بوون.

د.ن