سەردێڕ:

پێشبینییەکانی کەشوهەوای ئەمڕۆ و سبەی هەرێمی کوردستان

فۆتۆ: ئەرشیڤ
2019-01-12

42800 جار خوێندراوەتەوە

بەڕێوەبەرایەتی کەشناسی و بومەلەرزەزانی هەرێم پێشبینییەکانی کەشوهەوای ئەمڕۆ و سبەینێی ناوچەکانی هەرێمی کوردستانی بڵاوکردەوە و ڕایگەیاند، ئەمڕۆ شەممە (١٢ی کانوونی دووەم) ئاسمان بەگشتی ساماڵ دەبێت، و سبەی ئاسمان لە نیمچەهەورەوە دەگۆرێت بۆ هەوری تەواو و بارانبارین لەکاتەکانی ئێوارەدا لەگەڵ بەفربارینێکی کەم لە ناوچە شاخاوییەکان.

بەپێی پێشبینییەکانی کەشناسی هەرێم، ئەمڕۆ بەرزترین پلەی گەرما لە هەولێر ١٢ پلە و نزمترینیش ١ پلە، هەروەها لە سلێمانی ١١ پلە بە ١- پلە، دهۆک ١٢ بە ٢- پلە، کەرکوک ١٣ پلە بە ١- پلە دەبێت.

بەڕێوەبەرایەتی کەشناسی و بومەلەرزەزانی هەرێم ئاماژەی بەوەش کردووە، سبەی بەرزترین پلەی گەرما لە هەولێر ١٣ پلە و نزمترینیش ٢ پلە دەبێت، هەروەها لە سلێمانی ١٣ پلە بە ١ پلە دەبێت، دهۆک ١٣ بە سفر پلە دەبێت، کەرکوک ١٤ پلە بە ١ پلە.

ئـ. فـ

No photo description available.

No photo description available.