سەردێڕ:

ئێران وەڵامی وتەکانی وەزیری دەرەوەی ئەمریکای دایەوە

محه‌مه‌د جه‌واد زه‌ریف وەزیری دەرەوەی ئێران
فۆتۆ: ئەرشیڤ
2019-01-11

2060 جار خوێندراوەتەوە

محه‌مه‌د جه‌واد زه‌ریف وەزیری دەرەوەی ئێران سەبارەت بەبەردەوامی گەمارۆ ئابورییەکانی ئەمریکا لەسەر وڵاتەکەی  وەڵامی وتەکانی مایک پۆمپیۆ وەزیری دەرەوەی ئەمریکای دایەوە.

 وەزیری دەرەوەی ئێران لە هەژماری تایبەتی خۆی لە تۆڕی کۆمەڵایەتی تویتەر ڕایگەیاندووە "هەرگیز ئێران پلان و ستراتیژی خۆی ناگۆڕێت بۆ ئەو وڵاتەی کە ئەمریکا دەیەوێت".

ئەوەشی وتووە "له‌ هه‌ر شوێن و له‌ هه‌ر کاتێکدا ئه‌مریکا ده‌ستێوه‌ردانی هه‌بێت، پشێووی و سه‌رکوتکاری و نه‌فره‌ت دابینده‌کرێت".

 محه‌مه‌د جه‌واد زه‌ریف دەشڵێت، هەرکات ئێران بووە شوێنەکەوتی ئەمریکا ئە‌و ڕۆژه‌ دۆزه‌خ دەبێتە سه‌هۆڵبەندان (واته‌ ئەو خواستەی ئەمریکا هەرگیز نایەتەدی).

ئەوەشی خستووەتەڕوو، باشتر وایه‌ ئه‌مریکا به‌ له‌ ده‌ستدانی ئێران ڕا بێت و لەگەڵ ئەو وڵاتانە دۆست بێت کە جیهانیان خستووەتە مەترسیەوە.

ئەمەش لە کاتێکدایە لە سەردانەکەی مایک پۆمپیۆ وه‌زیری ده‌ره‌وه‌ی ئه‌مریکا بۆ رۆژهەڵاتی ناوەڕاست دوێنێ له‌ قاهیره‌ ڕایگه‌یاند،  گه‌مارۆکانی ئه‌مریکا له‌ دژی ئێران به‌ قورسترین گه‌مارۆکان داده‌نرێت و به‌رده‌وام ده‌بن تا ئه‌و کاته‌ی که‌ تاران وه‌ک وڵاتێکی ئاسایی هه‌ڵسووکه‌وت بکات.

هــ.حــ