سەردێڕ:

ڤیدیۆ.. لە سنوری ئامێدی ٥٠ سانتیمەتر بەفر باریوە

بەفربارین لە سنوری قەزای ئامێدی
فۆتۆ: نیهاد ئۆرەماری
2019-01-09

6520 جار خوێندراوەتەوە

دیجیتاڵ میدیای ئێن ئاڕ تی، ئامێدی، نیهاد ئۆرەماری

لە ئەنجامی ئەو شەپۆلە بەفر و بارانبارینەی رووی لە ناوچەکانی هەرێم کردووە، لە هەندێک ناوچەی قەزای ئامێدی ٥٠ سانتیمەتر بەفر باریوە.

پەیامنێری دیجیتاڵ میدیای ئێن ئاڕ تی رایگەیاند، لە شەوی رابردووەوە شەپۆلێکی بەفربارین رووی لە گوند و ناحییەکان و سەنتەری قەزای ئامێدی کردووە و تا ئێستاش بەفربارین بەردەوامە.

ئاماژەی بەوەشکرد، لە هەندێک ناوچە و بەتایبەتیش ناحیەی کانی ماسێ ٥٠ سانتیمەتر و لە سەنتەری قەزای ئامێدیش ٣٠ سانتیمەتر بەفر باریوە.

 پێشتر بەڕێوەبەرایەتی کەشناسی و بوومەلەرزەزانی هەرێمی کوردستان هۆشداری لە هاتنی بارستە هەوایەکی سارد و شەپۆلێکی بەفر و باران بۆ ناوچەکانی هەرێمی کوردستان و سەنتەری شارەکان دابوو.

هەفتەی رابردووش و لە ناوچە شاخاوییە سنورییەکانی قەزای ئامێدی نزیکەی مەترێک و ٢٠ سانتیمەتر بەفر باریبوو.

ش.ق