سەردێڕ:

​وەزیری پەروەردەی عێراق دەستلەکارکێشانەوەى پێشکەشی عەبدولمەهدی کردووە

فۆتۆ: 
2018-12-30

1923 جار خوێندراوەتەوە

بەهۆی تۆمەتبارکردنی  بە هاوکاری داعش و کاری "تیرۆر"  شەیما حەیالی وەزیری پەروەردەی عێراق  دەستلەکارکێشانەوەى داوەتە عادل عەبدولمەهدی و ڕایگەیاندووە،  بە هیچ شێوەیە نە خۆی و نەخێزانەکەى دەستیان لە هیچ کارێکى تیرۆرستى نەبووە.

شەیما حەیالی لە بەیاننامەیەکدا ڕایگەیاندووە، "من پێش هەموو شتێک عێراقیم و سەر بە هیچ حزبێک نەبووم نیم و تەنها لەبەر ئەوەى لەڕووی ئەکادیمییەوە شایستەبووم کراوم بە وەزیری پەروەردە و  لە ڕابردووشدا تیرۆرستان ئازاری زۆریان داوین".

 لە وەڵامی ئەو تۆمەتانەى کە ئاراستەى براکەى کراوە کە گوایە هاوکاری داعشی کردووە،  ئەو وەزیرە ڕایگەیاندووە، " داعش  کە هاتووتە موسڵ هەموو فەرمانبەران و خەڵکی لە ژێر هەڕەشى چەک ترساندووە و براکەی منیش لەو چێوارچێوەیەدا  لە فەرمانگەیەکى مەدەنی لە ژێر دەستى داعش کاری کردووە بەڵام بە هیچ شێوەیەک چەکی هەڵنەگرتووە لەگەڵ داعش".

وەزیری پەروەردەی عێراق  وتووشیەتی ، دەستلەکارکێشانەوەى خۆم پێشکەشی سەرۆک وەزیران دەکەم ئەگەر هەر بەڵگەیەک هەبوو لەسەر تێوەگلانمان لەتیرۆر ئەوا با لەکارەکەم دوورخرێمەوە.

ئەمەش لە دوای  ئەوە دێت ، لە تۆڕە کۆمەڵایەتیەکان و هەندێک کەناڵی ڕاگەیاندن بڵاوکراوەتەوە کە برایەکى شەیما حەیالی هاوکاری چەکدارانی داعشی کردووە.