سەردێڕ:

بوومەلەرزەیەکی بەهێز باشوری فلیپینی هەژاند

بوومەلەرزەیەکی بەهێز باشوری فلیپینی هەژاند
فۆتۆ: ئاژانسەکان
2018-12-29

1515 جار خوێندراوەتەوە

بوومه‌له‌رزه‌یه‌ك به‌ گوڕی ٧ پله‌ به‌ پێوه‌ری رێخته‌ر ده‌وربه‌ری شاری داڤاوی له‌ دوورگه‌ی مینداناوى باشوری فلیپینی هه‌ژاند و تا ئێستاش هیچ زانیارییەک لەسەر زیانەکانى بومەلەرزەکە بە فەرمی بڵاونەکراوەتەوە.

ئاژانسی تسۆنامی زه‌ریای هێمن، هۆشداریدا له‌وه‌ی کە ڕەنگە شه‌پۆله‌ مه‌ترسیداره‌كانی تسۆنامی بگەنە دووری‌ ٣٠٠ كیلۆمه‌تر له‌ ده‌وروبه‌ری ئەو ناوچانەی بوومه‌له‌رزەکە تێیدا ڕوویداوە.

هاوکات ئاژانسی لێكۆڵینه‌وه‌ی زه‌ویناسی ئه‌مریكا رایگه‌یاند، ناوه‌ندی بوومه‌له‌رزه‌كه‌ پۆنداگویتان بووه،‌ له‌ قوڵایی زیاتر لە كیلۆمه‌تر و نیوێک له‌ ناخی زه‌ویدا‌.

فلیپین كه‌ ده‌كه‌وێته‌ پشتێنه‌ی بوڕكان و بوومه‌له‌رزه‌ی بازنه‌یی ئاگرینی زه‌ریای هێمنەوە، بەردەوام بومەلەرزە تێیدا روودەدات.

ش.ق