سەردێڕ:

هەڵمەتی كوتان دژی نەخۆشی ئیفلیجی منداڵان دەستپێدەكات

فۆتۆ: 
2018-12-20

5502 جار خوێندراوەتەوە

سەرەتای هەفتەی داهاتوو هەڵمەتێكی نیشتمانی كوتان دژی نەخۆشی ئیفلیجی منداڵان دەستپێدەکات.

لە بارەی هەڵمەتەکەوە راگەیاندنی تەندروستی سلێمانی ئاماژەی بەوەکردووە، بەسەرپەرشتی بەرێوەبەرایەتی گشتیی تەندروستی سلێمانی و جێبەجێكردنی خۆپاراستنی سلێمانی، بەهاوكاری هەریەك لەرێكخراوی(UNICEF) و رێكخراوی (WHO) هەڵمەتێكی نیشتمانی كوتان دژی نەخۆشی ئیفلیجی منداڵان جێبەجێ دەكرێت بۆ منداڵانی خوار تەمەن پێنج ساڵ.

هەڵمەتەکە لە رۆژی یەکشەممە (٢١ی کانوونی یەکەمی ٢٠١٨) دەستپێدەکات و بۆ ماوەی پێنج رۆژ بەردەوام دەبێت.

هۆبەكانی كوتان و پتەوكردنی تەندروستی تیمەكانی كوتان و تیمەكانی بانگەشەی هەڵمەتەكەی ئامادەكردووە و هەڵمەتەكە هەموو ئەو منداڵانە دەگرێتەوە كە پێشتر كوتانی رۆتین یان لەهەڵمەتی نیشتمانی تردا كوتراون.

تەندروستی سلێمانی ئەوەی راگەیاندووە کە "ئەم كوتانە هیچ زیانێكی لاوەكی نیە و بەرگرییەكی باش دەدات بەمنداڵ و بەرگری منداڵ بەهێزتر دەكات، تكایە منداڵەكانتانی لێ بێبەش مەكەن و هاوكاری تیمەكانی كوتان بكەن لەپێناو تەندروستییەكی باشتر بۆ منداڵان.