سەردێڕ:

مه‌ترسی ڕووخان له‌سه‌ر درێژترین پردی عێراق هه‌یه‌

فۆتۆ: 
2018-12-17

7810 جار خوێندراوەتەوە

به‌ هۆی ئه‌و شه‌پۆله‌ بارانبارینه‌ به‌خوڕه‌ی هه‌فته‌ی رابردوو ناوچه‌كه‌ی گرتبووه‌وه‌ مه‌ترسی ئه‌وه‌ هه‌یه‌ پردی داقوق بڕووخێت كه‌ درێژترین پردی عێراقه‌ و هه‌ردوو پاریزگای كه‌ركووك و به‌غدا به‌یه‌كه‌وه‌ ده‌به‌ستێته‌وه‌.

كایماز ده‌میرجی به‌ڕێوه‌به‌ری فه‌رمانگه‌ی رێگا و پردی پارێزگای كه‌ركوك، به‌ ئانادۆڵی راگه‌یاندووە، به‌ هۆی ئه‌و لافاوه‌ی له‌ ئاكامی ئه‌و بارانبارینه‌ به‌خوڕه‌ی ناوچه‌كه‌ی گرتبووه‌وه‌ زیان به‌ر پردی داقوق كه‌وتووه‌ كه‌ درێژیه‌كه‌ی یه‌ك كیلۆمه‌تره‌.

کایماز ده‌میرجی ئاماژه‌ی بەوەشداوە، پرده‌كه‌ له‌سه‌ر ٢٣ پایه‌ بونیات نراوه‌ و  وتوویەتی "له‌گه‌ڵ به‌رزبوونه‌وه‌ی ئاستی ئاو به‌شی خواره‌وه‌ی پایه‌كانی پرده‌كه‌ زیانیان به‌ركه‌وتووه‌ و مه‌ترسی رووخانی پرده‌كه‌ ئێجگار زۆر بووه‌".

ناوبراو تیشكی خستووەتە سه‌ر ئه‌وه‌ی وه‌ك گرتنه‌به‌ری رێوشوێنی پێویست به‌ شێوه‌یه‌كی كاتی هاتوچۆی ئۆتۆمبێله‌ بارهه‌ڵگره‌كانیان راگرتووه‌ به‌سه‌ر پرده‌كه‌دا و له‌ نزیكترین كاتدا ده‌ست ده‌كه‌نه‌وه‌ به‌ نۆژه‌نكردنه‌وه‌ی پرده‌كه‌.

ئەمەش لە کاتێکدایە لە ماوەی ڕابردوو بە هۆی بارانبارینی زۆر و دروستبوونی لافاو چەند پردێک لە عێراق و هەرێم و ڕوخان و پردی دەرەدۆین لەسەر ڕێگای کەلار ، سلێمانی یەکێکبوو لەو پردانە و لە ئێستادا دەستکراوە بە دروستکردنەوەى.

 

‌بەپەلە