لەکاتی هەڵبژاردنی جێڵی دەموچاو شۆردندا ئاگاداری ئەم چەند خاڵەبە

2019-10-30

12508 جار خوێندراوەتەوە

+ -

گرنگیدان بە پێست یەکێکە لە گرنگترین هەنگاوەکان بۆئەوەی پێست بە گەنجی و جوانی بمێنێتەوە، بۆیە دەبێت بزانن چۆن گرنگیی پێدەدەن.

بەگوێرەی ماڵپەڕی لوبنان ٢٤ ئاماژە بەوە کراوە، دکتۆرێکی بواری جوانکاری ئاماژەی بەوە کردووە، جێڵی دەموچاو شۆردن پێویستە لەگەڵ جۆری پێستدا بگونجێت و دوای ئەوە کرێمی شێدارکەرەوە بۆ رووخسار بەکاربهێنرێت، بۆئەوەی پارێزگاری لە پێست بکرێت بەم جۆرە:

پێست بەگشتی دەکرێت بە سێ بەشەوە:

پێستی ئاسایی: ئەو جۆرە پێستەیە کە هاوسەنگە لەڕووی دەردانی زەیتەکانەوە.

پێستی چەور: ئەو جۆرە پێستەیە کە زەیت بە شێوەیەکی زیاد لە پێویست دەردەدات.

پێستی هەستیار: پێستی هەستیار و وشك پێویستی بەوەیە زیاتر گرنگیی پێ بدرێت بۆئەوەی تووشی سووربوونەوە و هەستیاری نەبێت.

لەکاتی هەڵبژاردنی جێڵ و سابوونی دەموچاو شۆردندا دەبێت بزانن ئەوەی هەڵیدەبژێرن لەگەڵ جۆری پێستتاندا بگونجێت، بەجۆرێك: ئەگەر پێستت ئاسایی بێت، دەبێت ئەو جۆرە بەکاربهێنیت کە بۆ پێستت ئاساییە و هیچ پێكهاتەیەکی وشكکردنەوەی پێستی تێدا نییە.

بۆ ئەوانەی پێستیان چەورە، دەبێت ئەو جێڵەی بەکاریدەهێنن ترشی "Glycolic acid" و " Salicylic acid"ی تێدابێت، چونکە دەردراوەکانی پێست کەمدەکاتەوە و رێژەی دەرکەوتنی خاڵە ڕەش و سپییەکانی پێست کەمدەکاتەوە و رێگە لە دروستبوونی زیپکە دەگرێت.

بۆ پێستی هەستیاریش دەبێت سابونێك بەکاربهێنرێت کە پێست نەرمبکاتەوە و رێگە نەدات وشك ببێتەوە و سوور هەڵبگەڕێت.