شارۆچکەیەکی ناوچەی هەورامان بە "شاری کڵاش" دیاریکرا

شارۆچکەیەکی ناوچەی هەورامان بە
17/05/2017

31207 جار خوێندراوەتەوە

+ -

ڕێکخراوی فه‌رهه‌نگی، پیشه‌ی ده‌ستی و گه‌شتیاری ئێران نازناوی "شاری کڵاش چنین"ی به‌ شارۆچکەی نۆدشه‌ی سەر بە پارێزگای کرماشان به‌خشی.

بەڕێوەبەرایەتی گشتی ئیداره‌ی فەرهەنگی پیشه‌ی ده‌ستی و گه‌شتیاری پارێزگای کرماشان لە ڕاگەیەندراوێکدا دەڵێت "شارۆچکەی نۆدشە بە هۆی چنینی باشترین "کڵاش" بەسەر شارەکانی دیکەدا سەرکەوتوو بووە و نازناوی باشترین دروستکەری جۆری کڵاشی پێبه‌خشراوه‌".

بەڕێوەبەرایەتییەکە دەشڵێت " لەکێبڕکێیەکەدا تاقیکردنەوەکان لەسەر داهێنان و جۆراوجۆری و  ڕەنگ و  قەبارەی کڵاشی"منداڵان و ژنان و پیاوان" ئەنجامدراوە و  ڕێژە و بوونی ئەو پیشەیە کراوە بە پێوەر بۆ دیاری کردنی باشترین شاری کڵاش چنین".

کڵاش جۆرێک لە پێڵاوی ناوخۆیی کوردە بەتایبەت لەناوچەی هەورامان و تا ئێستاش درووستکردنی کڵاش یەکێکە لە پیشە سەرەکییەکانی زۆربەی خێزانەکانی ناوچەی هەورامان.

شارۆچکەی (نۆدشە -نۆتشە) لە رۆژهەڵاتی کوردستان سەر بە پارێزگای کرماشان و سەر بە قەزای (پاوە)یە، نۆدشە ناوەندی ناحیەیە و یەکێکە لە شارە گەورەکانی هەورامان، سەردەمێک مەڵبەندی دەسەڵاتدارێتی سانەکانی (لهۆن) بووە.

ب.ح