تورکیا: دوای نەمانی داعش پرسی کشانەوە لە باشیک لەگەڵ حکومەتی عێراق تاوتوێ دەکەین

تورکیا: دوای نەمانی داعش پرسی کشانەوە لە باشیک لەگەڵ حکومەتی عێراق تاوتوێ دەکەین
7 رۆژ پێش ئێستا

9571 جار خوێندراوەتەوە

+ -

وەزیری بەرگری تورکیا ڕایگەیاند، دوای نەمانی داعش لە عێراق پرسی کشانەوەیان لە باشیک لەگەڵ حکومەتی عێراقدا تاوتوێ دەکەن.

فکری ئیشک، وەزیری بەرگری تورکیا ئەمڕۆ ١١ی کانوونی دووەمی ٢٠١٧ ڕایگەیاند "ئێمە ڕێز لە سەروەری عێراق دەگرین، بەڵام مانەوەی ئێمە لە باشیک تەنها بژاردەیەک نیە، بەڵکو پێویستییە".

وەزیری بەگری تورکیا وتوشیەتی "بونی سوپای تورکیا لە عێراق کاریگەری ئیجابی هەبووە و تا ئیستا ٧٠٠ چەکداری داعشیان لە عێراق کوشتووە".

پرسی بونی سوپای تورکیا لە خاکی عێراقدا ئەو خاڵەیە کە هەمیشە دیبلۆماتکاران و بەرپرسانی تورکیا  وعێراق لەسەری ناکۆکن و دوێنێ سێشەممەش حەیدەر عەبادی سەرۆک وەزیرانی عێراق ڕایگەیاند "بەبێ کشانەوەی تورکیا لە باشیک پەیوەندی عێراق و تورکیا ناچێتە پێشەوە".

بە پێی هەواڵێکی تەلەڤزیۆنی ڕەسمی حکومەتی عێراقیش حەیدەر عەبادی ئەم دێرەی بە بناڵی یڵدرم سەرۆک وەزیرانی تورکیا وتووە.

ڕۆژى ٣ى کانوونى یەکەمى ٢٠١٥ هێزێکى سوپاى تورکیا کە لە ٢٤ تانک و زرێپۆش و ژمارەیەک ئۆتۆمبێلى سەربازى و چەکى قورس پێکهاتبوو گەیشتە ناوچەى باشیک (بەعشیقە) لە پارێزگاى نەینەوا، کە ناوچەیەکى ژێر کۆنترۆڵى هێزى پێشمەرگەى کوردستانە. شوێنى جێگیربوونى هێزەکەى تورکیا ١٥ کیلۆمەتر لە شارى موسڵەوە دوورە.

بەپێى بەشێک لە سەرچاوە میدیاییەکان هێزەکەى سوپاى تورکیا لە باشیک نزیکەى هەزار و ٢٠٠ بۆ هەزار و ٨٠٠ سەرباز دەبن.

ب.ح