PM:12:18:21/05/2022
1332 جار خوێندراوەتەوە
+
-
رێڤەبەرێ ناحیا باغجەلەر بۆ ئێن ئاڕ تی ڕا گەهاند، بسەدەمێ بۆمبەبارانا سەر گوندەکێ سنورێ قەزایا چەمچەمال پێنج کەسان ژیانا خۆ ژ دەستدا.
هێمن بەهجەت رێڤەبەرێ ناحیا باغجەلەر بۆ ئێن ئاڕ تی ڕاگەهاند، بۆمبەباران بۆ سەر گوندێ توقەتەلی یێ سەر ب ناحیا باغەلەر یا قەزایا خەبات بوو و ب وی سەدەمی پێنج کەسان ژیانا خۆ ژ دەستدا.
ئاماژە ب وێ یەکێ ژی کر، ژ وان پێنج کەسان سێ ژ وانا سەر ب پارتا کرێکارێن کوردستانێ "پەکەکە" بوون و دووێن دی سڤیل بوون.
دیارکریە ژی، د بۆمبەبارانێدا ترۆمبێلەکا تۆیۆتا هایلوکس بوویە ئارمانج و دوو کەس هەر دناڤ ترۆمبێلێ دا شەوتینە، تەرمێ سێیێن دی ژی هاتینە رەوانەکرن بۆ نوژداریا داد.
ڕاگەهاند ژی، د نهادا بالەفڕ ب ئەسمانێ دەڤەرێدا د زڤڕن کو دوو بالەفڕێن بێ بالەفڕڤانن و هێزێن وان نکارن نێزیکی دەڤەرێ ببن.
بەحسا وێ یەکێ ژی کر، "ژ مەترسیا بۆمبەبارانێ مە یێن د سەر خۆدا هایدار کرینە بۆ وێ یەکێ زیانێن گیانی و ماددی بەر ب خەلکێ دەڤەرێ نەکەڤن و ڤەکۆلین ژی بەردەوامن".
لدویف زانیاریان ل وی گوندی بارەگەهەکێ پەکەکێ هەیە.
لدویف زانیاریێن ئێن ئاڕ تی، ناسنامەیا دوو ژ کوشتیان ئەشکەرابوویە کو بریتینە ژ: "ئارام کاکەخان ئاکنجیێ گوندێ دووتەقەل و ئیسماعیل مەمەند ئاکنجیێ گوندى سەرچنارە کو دەیک و باب و چار برایێن وی هاتینە ئەنفالکرن ئەنفالکرن."
شالاو عەلی، سلێمانی