AM:11:52:21/05/2022
752 جار خوێندراوەتەوە
+
-
ل هەمبەر پێنەدانا پارەیێ غازێ ب رۆبلی، کۆمپانیا گازپرۆما روسی ب هنارتنا غازا سروشتی بۆ فنلاندا ڕاگرت.
ئاژانسا نۆفستی ڕاگەهاند، پشتی کۆمپانیا گازپرۆم ئێکسپرۆت، کۆمپانیا وزەیا فنلاندا هایدارکریە کو پارەیێ غازا سرۆشتی ب رۆبلی بدەت، ل سپێدەهیا ئەڤرۆ هنارتنا غازا سرۆشتی بۆ وی وەلاتی ڕاگراتیە.
دهەمبەردا وەزارەتا کار و ئابوریا فنلەندا ڕاگەهاند، گرێبەستا دناڤبەرا وەلاتێ وان دگەل روسیا بۆ هاوردەکرنا غازا سرۆشتی ب یۆرۆ بوویە، ژبەر وێ یەکێ ئەو بڕیارا روسیا بنپێکاریا لهەڤهاتنا دناڤبەرا واندایە.
ئەڤە ددەمەکیدایە زێدەباری گڤاشتنێن ئابوریێن وەلاتێن ئەوروپا و ئەمریکا بۆ سەر روسیا، وی وەلاتی تەڤایا وەلاتێن هاوردەکارێن غازا هایدارکرینە کو پێدڤیە پارەیێ غازا سرۆشتی ب دراڤێ رۆبلێ روسی بدەن.