AM:10:27:21/05/2022
704 جار خوێندراوەتەوە
+
-
شرۆڤەکارەکێ رۆژهەلاتێ ناڤەراست ل ئاژانسا ڤەکۆلینا بەرەڤانیا سوید ڕاگەهاند، تورکیا ب رەتکرنا ئەندامەتیا سوید ل ناتۆ، چ تشتەک نینە ژ دەست بدەت ئانکو زەرەر ناگەهیتێ.
ئارۆن لوند شرۆڤەکارێ رۆژهەلاتا ناڤەڕاست ژ ئاژانسا ڤەکۆلینێن بەرەڤانیا سوید بۆ کەنالێ (ئێس ڤی تی)یێ دەولەتا سوید، هەلسەنگاندن بۆ پرسا ڤیتۆکرنا ئەندامەتیا سوید ل ناتۆ ژ ئالیێ تورکیا کریە.
وی شرۆڤەکارێ سویدی ڕاگەهاند، تورکیا وەلاتەکێ گرنگە ل ناتۆ، دبێژیت ژی، "تورکیا کو خۆدانا دووەم مەزنترین هێزە ل ناتۆیێ و پێگەهەکێ جیۆستراتیژیێ گرنگە ل دەریا رەش، ئێکە ژ گرنیگرترین ئەندامێ ناڤ هەڤپەیمانیێ. وی وەلاتی کو دڤێت سوید و فنلاندا وەک ئەندامێن ناتۆ ببینیت، ژ وانا سزای بسەپینن یان گڤاشتنا دیپلۆماتی بکەن. لێ ئەڤێ مانایەکێ وەها بۆ تۆرکیا نینە".
ئارۆن لوند بەرەڤانی ژ وێ یەکێ ژی کر، هەر چەندە ئەگەر ئیرادەیا سیاسی ژی هەبیت، زەحمەتە دادگەهـ رێکێ ب رادەستکرنا وان کەسان بدەت کو ل لیستا سور یا داخازکریان یا سوید دانە.