PM:06:17:20/05/2022
1372 جار خوێندراوەتەوە
+
-
وەزیرێ دارایی یێ عێراقێ ڕاگەهاند، هەیا نها حکەمەتا هەرێمێ چ کوژمەکێ پەتڕۆلێ و داهاتەکێ پەتڕۆلێ و دەرازینکێن سنوری رادەستی حکومەتا فیدڕالی نەکریە. دبێژیت ژی، "هەلویستێ حکومەتا فیدڕالی لهەمبەر هەرێمێ دەستوری و یاساییە".
ئەڤرۆ ئەینی، عەلی عەلاوی وەزیرێ دارایی یێ عێراقێ د چاڤپێکەفتنەکێ دا دگەل تەلەفزیۆنا ئەلعەرەبیە ئەشکەراکر، هەیا نها حکومەتا هەرێمێ چ کوژمەکێ پەتڕۆلێ و داهاتەکێ پەتڕۆلێ و دەرازینکێن سنوری رادەستی حکومەتا فیدڕالی نەکریە.
ئاماژە ب وێ یەکێ ژی کر، هەلویستێ حکومەتا فیدڕال لهەمبەر هەرێمێ دەستوری و یاساییە.
وەزیرێ دارایی یێ عێراقێ بەحسا وێ یەکێ کر، د جوداهیا فرۆتنا پەتڕۆلێ و بهایێ پەتڕۆلێ دا ٢٠ ملیۆن دۆلار زێدەهی ژ داهاتێ پەتڕۆلێ هەبوون و بۆ خەزینەیا حکومەتێ ڤەگەڕیاینە.
ئاماژە ب وێ یەکێ ژی کر، باندوریێن باش یێن گۆهڕینا بهایێ دۆلاری و بلندکرنا بهایێ وی دەرکەفتینە.
دەربارەی ئەگەرێن قەرکرنا حکومەتێ بۆ پڕکرنا کورتهێنانێ و دابینکرنا پێدڤیان، وەزیرێ دارایی عێراقێ ئەو ژی دیارکر، "ب دویری دزانم پێدڤی بکەت پارەی قەر بکەت، ژبەرکو ئەو زێدەهیا داهاتی ب دەستکەفتی کوژمەکێ زێدەیە".
ئەشکەراکر، د شیانێن یاسایا بودجەیێ سالا ٢٠٢١ێدا نینە روویبرووی گۆهڕانکاریێن ئابوری ببت.
گوت ژی، هەلاویستنا سیاسی سەدەمێ نە هنارتنا پرۆژەیێ یاسایا بودجەیێ ٢٠٢٢ێ نە بۆ پەرلەمانی.
ئەڤە ددەمەکیدایە، ل دەمێ دەربازبووی دادگەها فیدڕالی بڕیاردا فرۆتنا پەتڕۆل و غازێ ژ ئالیێ حکومەتا هەرێمێ نەدەستوریە و بەرۆژڤاژی یاسایێ یە. د هەمبەردا حکومەتا هەرێمێ و جڤاتا بلندا دادوەریا هەرێمێ ژی دبێژن فرۆتنا پەتڕۆلێ ژ ئالیێ حکومەتا هەرێمێ دەستوریە و لدویف لهەڤهاتنا دناڤبەرا هەولێرێ و بەغدا دفرۆشیت.