PM:02:18:20/05/2022
696 جار خوێندراوەتەوە
+
-
دوو پەرلەمانتارێن
هەدەپێ د کۆنفرانسەکا ڕۆژنامەڤانیدا کۆشتنا محەمەد زەکی چەلەبی شەرمزارکر و گۆت، "ئەم قەبول ناکەین ئێدی کورد
دمالا خۆدا بهێنە کوشتن".
فەوزی برایێ محەمەد
زەکی چەلەبی بۆ ئێن ئاڕ تی ڕاگەهاند، چەند جاران گەف ل زەکیێ برایێ من دهاتنەکرن و
دگۆتن بۆمە کاربکە لێ وی ڕەت دکر ژبەر هندێ داوی جار ئەو ب خاینی هاتە کوشتن، داخازا مە
ئەوە بکەرێن ڤێ تاوانێ بهێنە دەستەسەرکرن و دادگەهکرن.
هەڤدەم، ئەڤرۆ ئەینی، پەرلەمانتارەکا
هەدەپێ د کۆنفرانسەکا ڕۆژنامەڤانیدا دەربارێ کوشتنا زەکی ل سلێمانیێ گۆت: بلا هەمی
کەس باش بزانن گەلێ مەیێ باشور نە بتەنێ یە و ئەو ل باکور دگەلدانە، گۆت ژی ئەم
چجارا بن بڕکنا کوردان قەبوول ناکەین و دێ بەخودانێ کەین و ئەم چاڤەڕێنە بکەرێن وێ
تاوەانێ بهێنە دەستەسەرکرن و دادگەهکرن.
هەروەسا پەرلەمانتارەکێ
دیی هەدەپێ د کونفرانسا ڕۆژنامەڤانیدا گۆت، ئەڤە نە شەهیدێ مەیێ ئێکێ یە، لێ ئەم دخازین
داوی شەهید بیت، ئەم هیڤی دکەین ئەڤ یەک ب داوی بهێت و ئاشتی بهێتە بەرقەراربیت.
گۆت ژی، ئەگەر ئەم ل
دیرۆکا کوردستانا باشور بنێرین بەریا سیھـ سالان ئەوژی ب هزاران پەنابەری دەرڤە بوون،
نهاژی ل کوردستانا باکور گڤاشتنەکا زۆر لسەر کوردان هەیە ژبەر وێ ئەوژی ئاوارەی ولاتێن
ئەوروپا بووینە، لێ دەربارێ وی کو بەرەڤ باشورێ کوردستانێ هاتینە وان بتەنێ باژێرێ
خۆ گۆهارتیە، تەکەز ژ وێ چەندێ ژی کر و گۆت، "هەرچەندە کوردستان هاتیە پارچەکرن
لێ د مەژیێ مە کوردان دا هەر ئێک پارچەیە".
ل داوی داخویانیا
خۆژیدا گۆت، ئەم کوشتنا زەکی قەبوول ناکەین وەکی هەدەپێ ئەمێ ب حکومەتێ را
هەڤدیتنێ بکەین و دیڤ چوونێ بکەین و ئەم ناخازین ئیدی "کورد د مالاخۆدا بهێنە
کوشتن".
ئەڤە ژی ددەمەکیدایە،
شەڤا ١٧ ڤێ مەهی ل سلێمانیێ دەستڕێژیا گولـلەیان لسەر محەمەد زەکی چەلەبی هاتبووکرن
و پشتی مانەڤەیا شەڤەکێ د نەخۆشخانێدا ژبەر گرانیا برینا وی ژیانا خۆ ژدەستدا و تا
نها ژی تەرمێ وی ل نەخۆشخانێ یە و چاڤەڕێ دهێتەکرن بۆ باژێرێ وانێ ل باکورێ
کوردستانێ بهێتە ڤەگوهاستن.