AM:10:03:20/05/2022
520 جار خوێندراوەتەوە
+
-
د ڕاپۆرتەکا ڕووپەلێ
بلومبێرگێ جیهانیدا ئاماژە ب وێیەکێ هاتیە کرن، پەکین دگەل مۆسکۆ دا دڤێت بگەهیتە
لهەڤهاتنێ بۆ کڕینا پەترۆلا روسیا و مەرەم ژ وی کارەی ژی مفا دیتە ژ ئەرزانیا
پەترۆلا روسیا و زێدەکرنا یەدەگێ ولاتێ خۆ.
رووپەلی بەحسا وێ
چەندێ ژی کریە، روسیا ژبەر سزایێن ئەوروپا و ئەمریکا لسەر ئابوریا وان، بهایێ پەترۆلا
وان ب ئاوایەکێ بەرچاڤ داکەتیە گەلەک ژ وەلاتان ژی کو پێشتر پەترۆل ژ وی ولاتی د
کری نها چێدی لێ ناکرن و ئەڤێ ژی بهایێ وێ بۆ چینێ ئەرزانتر کریە.
هەڤدەم، یەدەگێ
پەترۆلا چینێ بەرەڤ داکەتنێ دچیت و ب وێ سەدەمی ژی بهایێ ئەرزانێ پەترۆلا روسیا
دەرفەتەکا باشە بۆ وی ولاتی بۆ کو بکاریت یەدەگێ ولاتێ خۆ پێ زێدەتر بکەت.
ئەڤەژی د دەمەکیدایە،
ب سەدەما هێرشێن روسیا بۆسەر ئوکرانیا سزایێن توندێن ئابوری بسەر وی ولاتیدا
هاتینە سەپاندن لێ ژهەمیان کارتێکەر تر بزاڤێت یەکێتیا ئەوروپانە بۆ قەدەغەکرنا
گاز و پەترۆلا روسیا د بازاراێن خۆدا و ب وێ سەدەمێ ژی بهایێ کانزایێن روسیا د
بازارێن جیهانێ دا داکەتیە.
جهێ ئاماژێ یە ژی، هەر
ژ دەسپێکا شەرێ روسیا و ئۆکرانیا، چینێ رەتکر کو هێرشێن روسیا و وی شەری ب داگیرکاری
بناڤ بکەت و داخویانیێن بەرپرسێن وان ب ئاراستێ روسیا بوون.