PM:08:55:25/10/2021
672 جار خوێندراوەتەوە
+
-
سەرکونسۆلێ کۆمارا ئیسلامیا
ئیرانێ بڕیارەیکا نوییا تایبەت ب گەشتێن وەلاتیان بۆ ئیرانێ ب بالەفڕێ ڕاگەهاند، وەلاتی
ب تنێ ب پاسپۆرتێن خۆ دکارن بچنە ئیرانێ و پێتڤی ب ڤیزێ نابن.
سەرکونسۆلێ کۆمارا ئیسلامیا
ئیرانێ بڕیارەیکا نوییا تایبەت ب گەشتێن وەلاتیان بۆ ئیرانێ ب بالەفڕێ ڕاگەهاند،
لدویف بڕیارێ، وەلاتی ب تنێ ب پاسپۆرتێن خۆ دکارن بچنە ئیرانێ و پێتڤی ب ڤیزێ نابن.
ئەڤرۆ دووشەمبی، مەهدی
شوشتەری سەرکونسۆلێ کۆمارا ئیسلامیا ئیرانێ ل سلێمانیێ ڕاگەهاندنەک بەلاڤکر و تێدا
هاتیە، "وەلاتیێن عێراقێ دکارن ژ ٢٥ی مەها تشرینا دووێ یا ٢٠٢١ێ زاینی، بتنێ
ب هەلگرتنا پاسپۆرتا باوەرپێکری و دەم بسەرڤەنەچوویا عێراقێ و ب لبەرچاڤگرتنا
رێکارێن ساخلەمیێ دکارن ل سنورێن ئەسمانی بچنە ناڤ ئاخا کۆمارا ئیسلامیا ئیرانێ".
سەرکونسۆلێ ئیرانێ ل
سلێمانیێ ئاماژە ب وێیەکێ ژی کر، "ئەو مۆرا کو ژ ئالیێ کارمەندێن سنوریێن
کۆمارا ئیسلامیا ئیرانێ دێ لسەر پاسپۆتێ هێتە دان ب واتایا وێیەکێ یە دێ بۆ دەمێ
ئێک مەهـ ل ئیرانی بی و چ پێتڤی ب وەرگرتنا ڤیزێ نینە".
ئەڤە ددەمەکیدایە، بەری
سەرهلدانا ڤایرۆسێ کۆرۆنایێ لسەر رازیبوونێ دناڤبەرا تەهران و بەغدا، ڤیزەیا
گەشتیاری دناڤبەرا هەردوو ئالیاندا هاتە لادان، لێ پشتی سەرهلدانا ڤایرۆسێ
کۆرۆنایێ گەشتکرنا وەلاتیان دناڤبەرا هەردوو وەلاتاندا ب ئێکجاری هاتە راوەستاندن.