PM:07:51:24/10/2021
1232 جار خوێندراوەتەوە
+
-
بالیۆزێ تورکیا ل عێراقێ ڕاگەهاند، وەلاتێ وی عێراقێ ژ
نیعمەتا ئاڤێ بێبەهر ناکەت و ئاڤا عێراقێ نا گریت، دبێژی، "لێ یا پێتڤیە ب
رەنگەکێ دروست بکاربینن".
ئەڤرۆ ئێکشەمبی، رەزا گونای بالیۆزێ تورکیا ل عێراقێ و ل
دەمێ سەرەدانەکێ بۆ باژێرێ میسل داخازیا وەلاتێ وی ل عێراقێ دەربارەی دوسیا ئاڤێ
دیارکر و ئاماژە ب وێیەکێ کر، تورکیا دێ چەند بەناڤان بۆ پاراستنا وەلاتی ژ لەهیان
دروستکەت، بۆ وەرزێ هشک و بێبارانیێ و ئەو ئاڤە کۆگەهکری دێ بکارهێت.
دبێژیت ژی، "عێراقێ ژ نیعمەتێن خۆدێ بێبەهر ناکەین
و ئاڤێ ژی ناگرین".
ئەوژی دیارکر، هشکەسالیێ ب تنێ بەروکێ عێراقێ نەگرتیە
بەلکو، دەڤەرێ ب گشتی هەمان ئاریشە هەیە و سەقای گۆهڕانکاری بسەردا هاتیە.
گونای ڕاگەهاند ژی، تاکە چارەسەری بۆ ئاریشەیا کێمئاڤیێ
دانانا سیستەمێ پێشکەفتیێ ئاڤدێریێیە و مفا وەرگرتن ژ وێ ئاڤا کو ب هەدەردچیت و
چەند بەنداڤەکان بۆ هەلگرتنا ئاڤێ بکاربینن.
ئەڤە ددەمەکیدایە، ل ناڤەراستا ڤێ مەهێ، وەزیرێ ژێدەرێن
ئاڤێ ل عێراقێ ڕاگەهاند، لسەر پرسا ئاڤێ دگەل تورکیا لهەڤهاتن.