PM:09:18:23/10/2021
1556 جار خوێندراوەتەوە
+
-
سەرۆکێ ئەمریکا پەیوەندیەکا تەلەفۆنی
دگەل سەرۆکێ فەرەنسا ئەنجامدا و دەربارەی پەیوەندیێن دناڤبەرا هەردوو وەلاتاندا
چەند بابەت گۆتۆبێژکرن.
لدویڤ
ڕاگەهاندنا کۆچکا سپی، جۆ بایدن و ئیمانوێل ماکرۆن بۆ گوتوبێژکرنا پەیوەندیێن د
ناڤبەرا واندا و پرسێن هەرێمی پەیوەندیەکا تەلەفۆنی ئەنجامدا.
ئاماژە
بوێیەکێ ژی کریە، "هەردوو سەرۆک دەربارەی بزاڤێن پشتە ڤانیکرن ژ سەقامگیری و
ئەولەهیا بیابانا ئەفریقیا و بەرفرەهکرنا هەماهنگیێن وان لدەڤەرا هندێ – پاسیفیک
جڤیان".
هەڤدەم،
بهێزکرنا ئالیێ پشتەڤانیا ئەوروپا و ناتۆ ئێک ژ بابەتێن دیێن گۆتۆبێژێن وان بوویە.
ژئالیێ خۆڤە ژی،
جۆبایدنی بەحسا وێیەکێ کریە، "بگەرمیڤە چاڤەرێی وێ چەندێیە ل گۆپیتکا جی ٢٠
کو لداویا ڤێ مەهێ ل رۆما دهێتە سازکرن، دگەل ماکرۆنی بجڤیت".
بڕیارە د
کۆمبوونا گوپیتکا جی ٢٠ دا بایدن و ماکرۆن دەربارەی بابەتێن گرێدای ب هەماهنگیا
ئەمریکا و فرەنسا، و بەرژەوەندیێن هەڤپشک و بهایێن ناڤبەرا واندا، بجڤن.
هەر د پەیوەندیا
تەلفۆنا واندا بایدنی ئەو یەک ئاشکەراکر، کو کامالا هاریس جێگرا سەرۆکێ ئەمریکا دێ
لداویا ڤێ مەهێ سەرەدانا پاریس کەت و ئەڤ سەرەدانەژی دەرفەتەکا گرنگە بۆ کو ل
نزیکڤە گۆتۆبێژران لسەر پەیوەندیێن د ناڤبەرا هەردوو وەلاتان و ئاریشێن ناڤدەولەتی
بکەین.
د دەمێ دەربازبوویدا،
ئالوزی دناڤبەرا ئەمریکا و فەرەنسا دروستبوو و گەهشتە وێ چەندێ کو فەرەنسا بڕیاردا
بالیوزخانەیا خۆ ل وەلاتێ ئەمریکا ڤەکشینیت، لێ د ٢٢ی مەها دەربازبوویدا سەرۆکێ فەرەنسا
و ئەمریکا پەیوەندیەکا تلەفۆنی ئەنجامدا و پاریس ژی بریاردا بالیوزخانەیا خۆ
بزڤرینیت بۆ واشنتن.
چەوا ئالوزی دناڤبەرا ئەمریکا و فەرەنسادا
پەیدابوو؟
پشتی لهەڤهاتنا
ئەمریکا و بەریتانیا و ئوسترالیا دکڤانا هەڤپەیمانیەکێدا ل هەردوو دەڤەرێن زەریا هێمن
و زەریا هندی، ئوسترالیا گرێبەستا هژمارەکا ژێردەریایان دگەل فەرەنسا ب بهایێ
نزیکی ٤٠ ملیار دۆلاران هەلوەشاند و بڤێ چەندێژی فرەنسا ئەو پێنگاڤا ئەمریکا و
ئوسترالیا ب "نەپاقژی" لقەلەمدا.