PM:10:58:22/10/2021
1028 جار خوێندراوەتەوە
+
-
موفتیێ گشتی یێ قودس و فەلەستینێ هایداریێ
لسەر بکارئینان و بەلاڤکرنا کۆپیەکێ ژ قورئانێ کو ل وەلاتێ مسرێ هاتیە چاپکرن و ب
وێ سەدەمێ ژی درێزبەندیا هندەک سورەتاندا پاش و پێش هاتیەکرن و چەند لاپەرێن وێ ژی
نە دتەمامن.
محەمەد حسێن موفتیێ گشتی یێ قودس و فەلەستینێ
و سەرۆکێ جڤاتا بلند فەتوایێ هایداریێ ددەت لسەر بەلاڤکرنا کۆپیەکێ ژ پورئانا کو
بناڤێ "حەرەمی ئیبراهیمی" هاتیە چاپکرن.
ئاماژە ب وێیەکێ ژی کریە، د رێزبەندیا سورەتا
یاسین و ئەحزاب سەبەء و ساففات و فاتیر پاشوپێش تێداهاتینەکرن، ژبلی وان چەند لاپەران ژی کێموکاسی هەنە.
محەمەد حسێن بەحسا وێیەکێ ژی کر، قورئان ژ
ئالیێ چاپاخەیا ئیبنولجەوزیە ل کۆمارا مسرا عەرەبی ب ژمارا سپاردنا ١٠ی بەرواری ٥ی
٣ی ٢٠١٤ێ هاتیە چاپکرن کو ژ ئالیێ کۆمەلا ڤەکۆلەرێن ئیسلامیا ئەزهەر ڤە رێک
پێهاتیەدان.
موفتیێ فەلەستینێ داخازێ ژ هەمی پەرتۆکخانە و
چاپخانە و کەسایەتیان کریە هەر کەسەکێ ئەو کۆپیا قورئانێ لدەڤەیە ئێکسەر ڕادەستی
خانەیا فەتوایێ بکەت ب ئارمانجا گرتنا
بەرا رێکارێن پێتڤی.
داخاز ژی کریە، ل دەما چاپکرنا قورئانێ دا
پێتڤیە گرنگی پێ بهێتەدان، بتایبەتی ل دەما
بکارئینانا شێوازێ نوی و بلەز.