سەرنووچە:

بایکوت وەک بەرپرسیارەتیەک نەتەوەی

10/22/2019 1:52:38 PM
3725 جار خوێندراوەتەوە
هاوژین یوسف
+ -

‎تالان، کوشتنا زاروک و سڤیلان، وێرانکرن و ھتد... ئەڤ ئەو رەفتارێن دڕندانە یێن وەلاتێ تورکیانە ئەوێن ل ھەمبەری خەلکێ ڕۆژئاڤایێ کوردستانێ ئەنجام ددەت و ب ھەمی ھێزا خوە و ھەمێ جوریت چەکان بۆ بنبکرنا چاند و مێژۆ و جوگرافیا کوردان بکاردئینن ژبو دەربەدەربکرن و دەست ب سەر داگرتنا ئاخا کوردان.

بەلئ گەر ئەم  وەک شەرڤانێن بەرەڤانیکارێن ڕۆژئاڤا نەشێن چەکی ھەلبگرین و ل ھەمبەر ھێرشێن توندرەو یێن نا مرۆڤاتیێن دەولەتا داگیرکەر یا تورکیا ب راوەستین، دڤێت ب ھەلویستێن جوراوجور وەک ئەرکەک نەتەوەی و مرۆڤایەتی ھەول بدەین پشتەڤانیا خۆ بۆ ڕۆژئاڤایێ کوردستانێ دیار بکەین، ئەگەر ئەم بەرھەنگاریێن مێژۆی وەک میناک وەربگرین و ژ ھەمیان دیارتر " غاندی" سەرکردەیێ قوربانیدارێ ھندی کو شیا وەلاتێ خوە یێ مەزن و ھەژاری ژ بن داگیرکاریا بەریتانیا رزگاربکەت ژ دیارترین کاران ژی راگەھاندنا بایکوتا کەل و پەلێن بریتانی بوو و د دەمەکێ دا ھندستان ئەو وەلات بوو کو ھەر تشت ژ بریتانیا بو وێ دھاتە ھناردەکرن لێ غاندی ب وی ھەلویستی شیا زیانێ ب ئابوریا بریتانیا داگیرکەرا وەلاتێ خوە بگەھینیت و ب ڤێ ژی ھند نوکە ب ئێک ژ پێشکەفتیترین وەلاتێن پێشکەفتیە د بوارێ پێشەسازی و ئابوریێ دا لسەرانسەری جیھانێ.

ھەر وەسا ئەم ژی دشێین ب رێیا بایکوتکرنا کەلوپەلێن ژ تورکیا دھێن ب ھەمی جورەکێ و ھەتا راوەستاندنا گەشتان ژی بۆ تورکیا بھێتە بایکوتکرن ل جھێ کو ئەم وەلاتەکێ وەکە تورکیا ب داھاتێ بازارێن ھەرێمێ دەولەمەند بکەین و ژ لایەکێ دی ژی ب بێ رەحمانە ئەو وەلات زێدەگاڤیا لسەر خوین و ئاخا نەتەوەیا کورد بکەت، ڤێ رێکێ دێ کارتێکرنەکا مەزن لسەر ئابورێ تورکیا ھەبیت و بیتە سزایەک ژبۆ رەفتارێن وان یێن درندانە و دویر ژ بنەمایێن مرۆڤایەتی چونکە ھەرێما کوردستانێ دووەم مەزنترین بازارە ژبۆ بازگانیا کەلوپەلێن تورکی بۆ ھندێ ژی وەک ئەرکەکێ نەتەوەی ب یەک دەنگ و دەست ب بایکوتێ بھێتە کرن و ئەڤ کاریگەریە ژی دێ بێ گومان بیتە رێکەک ژبۆ راوەستاندنا ھێرشێن وێ دەولەتێ و بیتە پشتەڤانیەک ژی بۆ کوردێن ڕۆژئاڤا، ھەروەسا بایکوتکرن دێ بۆ ڤەژاندنا بەرھەمێ ناڤخۆ ژی ھاندەرەکێ باشبیت بۆ ھندێ پتر گرنگی ب بەرھەم و جوتیارێن ناڤخو بھێتەدان و دێ ھزر ل ھندێ ھێتەکرن بەرھەمێن مە دناڤخوی بن و قازانج و داھات ژی ھەر ژبۆ ناڤخویی بیت.