سەرنووچە:

ب هێزترین زەلامێ ئیرانێ کوشت

1/4/2020 4:41:45 PM
8468 جار خوێندراوەتەوە
ئەیاس کەرەم
+ -

کوشتنا قاسم سلێمانی ل ڤی دەمی ب باوەریا من ئەمریکایێ بەرسڤا چەند نامەیێن ئامادەکریێن ئیرانی دا ل روژهەلاتا ناڤین ئەگەر ئەم ڤەگەرین بو سالا (2003) هاتنا ئەمریکایێ بو عیراقێ هەرفاندنا رژێما عیراقی یا وی دەمی تا نها خاندنەکێ بو رولێ ئەمریکایێ ل عیراقێ بکەت.

 ل سەر چەند خالێن ستراتیجی کو خاستا ئەمریکا بون ل عیراق و روژهەلاتا ناڤین ئەوژی وەکە سەروکێن ئێک ل دوڤ ئێکێن ئەمریکایێ چەندین جار ل هەمبەر رایا ئەمریکی و جیهانی باس دکر بنبرکرنا تیرورێ یە ل جیهانێ و بەردەوام ئیران ب چاڤکانیا تیرورێ دزانی.

 ل روژهەلاتا ناڤین تا ڤێرە ئیران بو ئەمریکا ئەو ئەکتەر بو ل ڤان سالێن داویێ پشتی ئالوزیێن سوریێ ئێدی ئێدی ب رونی دیار دبو ئیران دخازیت ب دیمەنەک جووداتر ژ بەرێ خۆ نیشانا ئەمریکایێ بدەت ئەوژی لاوازکرنا پێگەهێ ئەمریکی ل روژهەلاتا ناڤین تا ئاستەکێ باش ئیران کاری ڤێ چەندێ بکەت ئێدی ئەمریکا هەست ب وێ چەندێ کر کو گرانیا وێ ل روژهەلاتا ناڤین ل سەر دەستێ ئیرانێ یا کێم دبیت تا کار گەهشت وی ئاستی گەفێن جدی ل ئیرانێ بکەت.

هەروەسا سەپاندنا سزایێن ئابوری بو سەر ئیرانێ ئەمریکا نەگەهاند کەنارێن ئارامبوونێ ل هەمبەر ئیرانێ ب باوەریا من سەروکێ نها یێ ئەمریکایێ دخازیت زێدەتر خۆ وەک پالەوانێ دیروکا سەردەم خۆ نیشانی ئەمریکا جیهانێ بدەت ژ بەر کو پشتی هاتنا ئەمریکایێ ل سالا (2003) ێ شوندا ئیران گرێکا مەزنا هەمبەری سەروکێن ئەمریکا بوو، ئەڤ گرێیە هەر وەک خۆ مایە لەو ما سەروکێ نها یێ ئەمریکا دەست ب کوشتنا کەسێ مەترسیدارێ هەمبەری ئەمریکایێ کر یا کو پشتی کوشتنا قاسم سێمانی دهێت چاڤەرێکرن ئەوە ب رەنگەکێ راستە راست گهورین ل سەر شێوازێ مل ملانا ئەمریکایێ و ئیرانی دێ ل پەی بیت ل ناڤچەیێ ب باوەریا من شێوازێ بەرهنگاریا ئەمریکا ل هەمبەر ئیرانێ دێ ئەو بیت ئێدی ئیران نە کاریت ژ روژهەلاتا ناڤین و ئەمریکایێ را بێژە ئەز کارەکتەرێ سەرەکی یێ ئێکلا کرنا پرسێن سترایجیک یێن روژهەلاتا ناڤینم