سەرنووچە:

کەس بکەسێ نینە

11/10/2019 7:50:42 PM
2963 جار خوێندراوەتەوە
فەیسەل ڕەسول
+ -

البێر کامۆ ئێک ژ فەیلەسوفێ بێدین بوو دگۆت مادەم ئەز گەھشتینە وێ قەناعەتێ کو چ خودا نینە، ژبەر ھندێ چیادکەی بکەی، چونکی مرن یاھەی و ئیدی بدلێ خۆبین.

ئەڤ تێڕوانینا البێرت کامۆی وەدکەت عشوایەک ڕوبدەت و بچین حالەتێ ئاژەلیێ، ئەگەر چ یاسا نەبن و کەس بکەسێ نەبیتن، لەوڕا دڤێت سیستەمەک ھەبیت ھەتا عەشوایی ڕوونەدەت.

د کوردستانا مە دا ژی دشێین بێژین ھەمان ھزرا البێرت کامۆی یا بڕێڤە دچیت و سەرکردەیێن کورد کەش و ھەوایەکێ سایێ ڕەخساندیە  کو کەس بکەسێ نەبیتن، یێ لاواز ھەمی مافێ وی بھێن خارن و ھەروسا کەسێ بھێز ژی دشێت وێ بکەت یا دلێ وی دڤێتن، د کوردستانا مە دا ژی وەسا کەس بکەسێ نینە تا وی ڕادەی بەرپرسەکێ حزبی دشێت ھەمی وان کەسا بگوھڕیتن یێ وەلاتی بەرپرسن، ب وی مەرجی دیڤ دلێ وی نەئاخڤیت، ئەگەر یێ دادپەروەر ژی بیت، بەلێ ئەگەر یێ زاڵم بیت ئاریشە نینە، ئەگەر دیڤ بەرژەوەندیا پارتا وی بچیتن، ب مخابنیڤە ھەر پارتەکا دەستھەلات بسەر دەڤەرەکێ یاھەی وەکی ژیانا دارستانێ کو ھەر جۆرەکێ گیانەوەرا دەسھەلات بسەردەڤەرەکێ ھەیە، بۆنمونە ئەو قوتابیێ لایەنگرێ پارتەکێ نەبیت بەری تمام بوونا خواندنا وی داھاتوویێ خوە دزانیت کو ماڵە و ناھێتە دامەزراندن، ھەر د ەلاتێ مە دا تنێ ئەگەر ڕێکەک تە بگەھینیتە بەرپرسەکی ئیدی داھاتوویێ تە مسۆگەرە خەما نەخۆ، ئەگەر تە چ شەھرەزایی ژی نەبیت د چ بواران دا، بەڵێ ئەگەر کەسێ نەناسی و چەندێ زیرەک و وێرەک بی داھاتوویێ تە د مەترسیێ دا، لڤێ کوردستانێ پڕانیا خەلکی دژی نەحەقیێ یە دەمێ دژی وی دئێت کرن، ئەگەر دژی وی نەبیت بھانەیا بۆ دئینیت ڤە، لڤێ کوردستانێ ھێدی ھێدی ھەمی قیەمێ ئەخلاقی یێ دکەڤن مەترسیێ دا و بزاڤا ژناڤبرێ دھێتە کرن، بۆ وێ چەندێ بساناھی خەلکی سەرخۆش بکەن، ئەڤ نموونە و چەندین نموونێ دی دسەلمینیت کو ل کوردستانێ کەس بکەسێ نینە و عشوایەکا وەسا یا دروست بووی، ئەگەر ڕێکەک نەبیت بشێن ڤێ چەندێ ڕابگریت یان سنورەک بۆ بھێت دانان دێ کارەساتێن مەزن ھێنە ڕوودان، چونکی ب ھەبوونا زولمێ توندڕەو و مافیا دھێنە دروستکرن.

دێ ل ڤێرێ ھندەک پرسیارا ئاڕاستەی ھەوەکەین

ئەرێ کیش بەرپرسێ ڤێرە ڕێزێ ل وێ یاسایێ دگریت یا وانا بخۆ دانای یان ھاتیە سزادان سەرا گەندەڵیێ یان ژی ھاتیە لادان؟

ئەرێ کیژ کوڕێ بەرپرسی ھەیە کو خۆ بەرھەڤ نەکریە بۆ بوون ب سەرۆک یان ھەر بەرپرسەکێ پلە بلندێ نەیاسایی یان ل کوردستانێ دخوینن؟

کیش بەرپرس گوھێ خۆ ددەتە یێن دی یان چ پارتەکا کوردی ژ پێخەمەت خزمەتکرنا وەلاتی و خەلکێ خۆ تەنازوول ژ بەرژەوەندیێن خۆ یێن کەسی و حیزب و بنەمالەیێ کریە؟

ژبەر ھندێ دڤێت بگەھینە وێ ڕاستیێ کو ھەم تێڕوانینا البێرت کامۆی کارەساتە و نابیت ئەڤ بۆچوونە ھەبن بۆ بەرژوەندیا گشتی، ھەروسا ئەڤ سیستەمێ نوکە یێ دھێت جێبەجێ کرن دڤێت نەمینیت بۆ بەرژەوەندیا گشتی.

د ڤێ بارودۆخی دا دوو ڕێک لبەرتەنە، یان دگەل وان بی و ھەرچ تشتێ وانا گۆت ڕاستە توو بێژی ڕاستەو ھەر چ تشتێ وانا گۆت خەلەتە توو بێژی خەلەتە، بەرامبەر ڤێ چەندێ ئەو پاریا ڕۆژانە ددەن تە حەتا نەمری ژبرسان، بەلێ ئەگەر وەسا نەبی و دژایەتیا ڤێ چەندێ بکەی دڤێت چاڤەڕێ ھەمی نەخۆشیا بکەی، بەڵێ ژیانەکا ب کەڕامەت و سەربلندانە دێ تە ھەبی