سەرنووچە:

مەلاق بەلا و موسیبەتن

8/19/2019 11:09:52 AM
24325 جار خوێندراوەتەوە
عەدنان محەمەدتاهر
+ -

مەلاق ئەو کەسن یێن دووری و بێ کەرامەت د ناڤ جڤاکی دا کو بەردەوام ب بەژن و بالا کەسەکێ دبێژن بۆ گەھشتنا ئامانجا خوە، چ تشتەکێ وەکی خوە نائێخن د ناڤ قەبارێ وێ درست دا،  ئەڤ ئامانجە ژ کومەکا بەرژوەندیێن کەسی یێت پیس پێکدھێت،  ئەڤ جورێن بەرژوەندیا ژ کەسەک بو کەسەکێ دی جوودانە .

زێدەبوونا کەسێن مەلاق د ئەڤرو دا یا بوویە بازارەکێ گەرم، بەریکانێ یا درووستبووی کو ھەر کەسەک زێدەتر کوێلاتیێ بکەت، ئەڤ کەسە یێن بووینە جورەکێ ژەھرێ ئێکەمجار بۆ وەلاتیان و دیسان بۆ وی کەسی مەلاقیێ بوو دکەن، ئەوا بۆ خەلکی جھێ زەرەر و زیانێ ئەوە ئەڤ کەسێ مەلاقیێ دکەت یێ بوویە رێگر بۆ ھندێ دەنگێ راستی  و گازندە ب قەبارێ درووست وەکی خوە نەگەھیت، خەم نینە وەلاتی نقومێ دەریا نەخوشیێ بیت بەلکی ھەردەم ولاتی ب شاما شەریف ناڤ دکەن، رێز ل دەنگێ خەلکێ رەخنەگر و نیشتیمانپەروەر ناھێتە گرتن و ھندەکجار ژی ب خائین ژی بناڤ دکەن! ، ب تنێ ژبەر ھندێ کو زوور جار بیروبوچونەکا جوودا ھەیە ، ئەوا بۆ بەرپرسا بوویە زەرەر و زیان کو رەنگە زوور کەس ھەست بڤێ ژەھرا دەمدرێژ نەکەن ئەو ژی زوور بەرپرس دەست پێکا دەستبکاربوونا خوە کەسەکێ باشە لێ ئەڤ کەسێن نزیک و مەلاقی دکەن پاشەروژێ ھنگڤینەکێ ژەھر کرینە بۆ وان، ئەزبەنی و ئەزخولام کوچک و دیوان گەرم کرینە بۆ ھندێ سیدا کەیف خوش ببیت، ب جورەکێ وەسا نیشان ددەن کو ژبلی ئاخفتن و بریارا وی کەسێ دی نینە تەنانەت ئەگەر چەندێ خەلەت ژی بیت.

 یا ھەمیێ خرابتر زوور کەسێن زانا و خودان باورنامێن بەرز یێت کەفتی ڤێ شاشیێ  دا بۆ ھندێ خو قەلەو بکەن،  ئەڤ کەسە یێت بوویە ئێشەکا گڕان،  بۆ ھندێ دا کو بگەھنە ھیڤیا خوە ب جورەکێ خو شرین دکەن و خو نیشان ددەن کو ئەم دلسوزین لێ تەنانەت چ جارەکێ نەشێن خو رەخنەکا ئاڤاکەر ژی بگرن بۆ ھندێ ھەر تشت باشتر بکەن، دیماھیکێ دێ سەرێ کابرای گەرم کەن ھەتا توشی غروری دبیت، ب ڤێ دێ ولات توشی دیکتاتوریێ بیت، ولات بەرەڤ قەیران دیف قەیرانێن بێ دیماھیک و بێ چارەسەر دچیت .

پێتڤیە بەرپرس چاکسازیەکێ بەر دەرگەھێ خو بکەن، ڤێت رێزێ کەسێن رەخنەگر بگرن و ئاخفتن و پروژێ وان ب سەنگ وەربگرن، ئێدی بلا ئەم ژ مەلاقا بترسین و بزانین ئەو  بۆ ولاتی بەلانە.