سەرنووچە:

ئەمریکا دێ رژێما ئیرانێ ژناڤبەت؟

5/19/2019 6:58:46 PM
2309 جار خوێندراوەتەوە
عەدنان محەمەدتاهر
+ -

وەکی یا دیار گەلک زەلال و ‌ئاشکرایە ئەمریکا ھەر پێنگاڤەکێ بھاڤێژیت ئەگەر بەرژوەندیا وێ نەبیت ناھاڤێژیت خۆ ئەگەر لایەکێ مەزنترین چەکێ ئەتومی جیھانێ ھەبیت، تەنانەت ئەگەر رێکخراوەکا تیرۆری یان وەڵاتەکێ دژی مافێن مروڤی کاربکەت، ھەر کارەکێ بەرژوەندیا وێ نەبیت خۆ نالڤینت و زوور جار رەنگە پشتەڤانێ وان بیت ئەگەر بەرژوەندیێن وێ وەسا بخوازیت .

پرسیار ئەوە چ تشتەک بەرژوەندیا ئەمریکا ھەیە کو شەرەکێ دگەل وەڵاتەکێ مەزن وەکی ئێران بکەت کو مەترسیەکا جدی و کرداری ھەتا نوکە سەر بەرژوەندیێن وێ نەبیە، ئەمریکا مەزنترین زلھێزا جیھانێ ھەر شەرەکێ راستەوخو سەر ئەردی ریبدەت رەنگە ب ڤێ باڵانسا ھێزێ سەر ئاستی جیھانێ بو لایێ زلھێزەکا دی وەکی روسیا بشکێنیت کو روسیا ھەڤڕکە دگەل ئەمریکا و چاڤ ل دەرفەتەکێ یە بۆ ھندێ پتر پێگەھێ خۆ د رۆژھەڵاتا ناڤین دا بەرفەرەھـ بکەت، وەکی چەوا رەوشا سوریا دەرفەت دیت و بیە خۆدان نفوس و بریار تێدا بن کۆنترۆلا ‌ئەمریکا دەرکەفت.

ئەمریکا چ دڤێت؟

لایەکێ ئەمریکا ئیرانەکا لاواز و گوھدار دڤێت بۆ ھندێ  ئیسرائیلێ ژ گەفێن وێ بپارێزیت نە ناڤبرنا وێ،  ‌ئەڤە دەھان ساڵە ھەر دوولا ب تنێ زێدەتر دروشمێن مرنێ بۆ ھەڤدوو بلند دکەن و واقع لاوازکرن و ملەکچپێکرنا ئیرانێ نە نەک کوشتنا وێ.

لایەکێ دی ئەمریکا رژێما ئێران ژ پێخەمەت بەرژوەندیێن خۆ بکاردئینت لدژی وەڵاتێن سنی تایبەت سعودیێ. سعودیە ئێکە ژ وەڵاتێن مەزنێن ئابوری ژلایێ بەرھەم ئینانا نەفتێ کو بن فەرمان و بەرژوەندیێن ئەمریکا دایە، ئەڤا سعودیە بۆ ئەمریکا دکەت ژ ترسا ئیرانێ یە کو بەرامبەر وێ ئەمریکا سعودیە بپارێزیت و سنورەک بو بەرفەرەھبوونا دەستێ شیعی دانێت ژ بەر کو دوو وەڵاتێن دژ ب ئێک و دوو دەردکەڤن، ب ژناڤبرنا ڕژێما ئیرانێ ئێدی سعودی مەجگور نیە دیڤ داخازیێن ئەمریکا بکەڤیت چونکی ئەڤە یا ئاشکرایە و ھەر ئێکەم سەرەدانا دۆنالد ترەمپ بۆ سعودیێ ملیار دۆلار دگەل خۆ برن، لایەکێ دی ئەڤ سەرکردیە ب سیاسیەکێ بازرگانی بەرنیاسە کو ھەمی فوکسا وی سەر ھندێیە چاوا پارەی بدەست بێخیت .

چەند پرسیار دھێن پێش ئەو ژی ئەڤەنە:

پرسیار ئەوە باشە ئەگەر مەبەستا ئەمریکا بیت بکارئینانا ھێزێ دژی ئیرانێ بوچی ڤان ساڵان دا رێک دایە کۆ ئیران نفوسا خو زێدە بکەت ل وەڵاتێن دەوروبەرێن خۆ قەلەو بکەت ژ وان عێراق و سوریا و یەمەن و لیبیا کە سەدان ھەزار میلیشیا بن گوھداریا سەرکردێن وانن و شەری بۆ بەرژوەندیێن ئیرانێ دکەن

ھەر دیسان پرسیار ئەوە ئەگەر مەرەما ئەمریکا ناڤبرنا حکومەتا ئیرانێ بیت بوچی ھەڤپەیمانیەکا ناڤدەوڵەتی ‌پێک نەئینایە خۆ شەرێ دگەل رژێما ێدام حسێن و شەرێ دگەل داعش مەزنترین ھەڤپەیمانی درووست کر.

راستە د بەرژوەندیا ئەمریکا دانیە کو ئیران ھەتا ھەر وەڵاتەکێ دی د جیھانێ دا ب ھێز بکەڤیت بەلێ د ھەمان دەم دا بەرژوەندیا وێ نینە شەرەکێ راستەوخو دگەل ئیرانێ بکەت کو ئەنجامێ وێ روون و ئاشکرا نینە ، بەلێ دیارە دێ تێچوەکا زێدە ھەبیت و زیانێن مادی و مرۆڤی بۆ ھەر دوو لایان ھەبن.

رەنگە ئەمریکا ب رەنگەکێ نەراستەوخۆ شەری بکەت ئەویش وەڵاتێن نەیار دژی وێ بکاربینت یان دێ ئۆپۆزسیۆنا ناڤخۆی و جەماوەرێ وێ دژی حکومەتێ بکارئینت ھەر ژ بەر ھندێ رابیە ب دوورپێچێن ئابوری بۆ ھندێ جەماوەر رابیت سەر پێیان، ب ڤێ دێ ئیرانەکا ئاژاوە بەرھەم ھێت وەکی ڤان وەڵاتێن عەرەبی کو تژی کێشەیێن ناڤخۆینە، ئەڤە یا گرنگە بۆ وان دێ ئامانج و بەرژوەندیێن ئەمریکا پتر پاراستی بن بەراورد دگەل شەری کو دێ تێچوەکا زیدە ھەبیت و ئامانج زحمەترە.