سەرنووچە:

ئەردۆغان دێ خەلەتیا سەدام حسێن دووبارەکەت ؟!

10/10/2019 9:10:03 PM
9656 جار خوێندراوەتەوە
عیسی حسن
+ -

ل ڤی دەمی لڤینا لەشکەرێ تورکیا بو سەر روژئافاێ کوردستانێ خەلەتیکا دوبارەکریە کە لسەر دەستێ سەدام حسین ھاتبوو کرن ل سالا ١٩٩٠ پشتی بورینا حەفت ھەیفا عێراقێ کویت داگیرکر و ب پارێزگەھا ١٩ نیشاندا،خێزانا مەللکێ کویتێ ئاوارەبوون و بەرپرسین کویتێ دەست دان ب رازیکرنا دەولەتێن زلھێز دا کو عێراق ژ کویتێ دەربکەفیت، ئەنجومەنا ئاسائیشا نیف دەوڵەتی ببریارا ژمارە ٦٦٠ داخاز ژ عێراقی کرن ژ کویتێ دەربکەفن بزوترین دەم بێ ھیج بریاردانەک. و ئیدانەیا داگیرکەریا عێراقی کرن.

 پاشێ باکور و باشووری عێراقێ سەرھلدان کرن و کوردستان ب بریارا ئاسایشا نیفدەوڵەتی دروستکرنا ناوچەیا ئارام بو کوردستانێ و ھێلا ٣٦ دژە فڕین دانا سەر ل وی دەمی یەک پارچەیا عێراقی ژناڤچوو.
سەروکێن روژھەلاتا ناڤین ھەردەم توشی  مەغروریەتێ و خەلەتیا دبن چونکە دروست ئازادی و دیموکراسی یەتێ جێبەجێ ناکەن و وەکو دکتاتوران خو لسەر خەلکێ خو دسەپینن  مانا خو لسەر دەستھەلاتێ جێبەجێ دکەن،ھەردەم شەر دگەل دەوروبەری خو دکەن و دبیتە ئەگەرێ پەیدا بونا ئاریشا دنافا وی وڵاتی دا،ل دەسپیکا سالین ١٩٢٠ ل وی دەمی چەندین ناوچەێن نوی ھاتن دانان وەکو دولەتێن  تورکیا یا عوسمانی و ایرانا فارسی و عێراق و سوریا چەندین دەولەتێن دی ل ژ وی دەمی پێفە ھاتنە دامەزراندن.

 پشتی بورینا چەندین سالان لسەر دەستھەلاتا بەردەواما چەندین سەروکان خەلکێن وان ل دژی وان سەروک و پاشایان سەر ھلدان چەندین نموونە وەکو وەلاتی،   جەزائیر ،تونس،لیبیا،مسر،سوریا،سودان و تیرور کرنا چەند سەروکێن روژھەلاتا ناڤین و ھێدی ھێدی سەروکێن لەشکەری چەندین کودەتا ل سەر وان پاشا و سەروکان کرنە.

 د ڤی دەمی دا ئەگەر تورکیا لەشکەر کیشیا خو بەردەوام بکەت و پاشفە نەزفریت دێ خەلەتیاسەدام حسین دوبارە کەت، وئەردوغان و تورکیا دێ ھێنە سوجدار کرن و سزادان.