سەرنووچە:

هون چ جاران نەشێن تورکیایێ رازی بکەن!!!

1/12/2019 10:39:42 AM
6459 جار خوێندراوەتەوە
د.کامەران مەنتک
+ -

دخوازن تورکیایێ رازی بکەن، کەرەمکەن ھەموو رێک ل پێشیا وە ڤەکرینە، نەفتێ و سامانێ کوردستانێ تەسلیم بکەن. چاوا کو وە تەسلیم کر. عەردان بۆ کۆمپانیایێن سیخۆری ب ناڤێ وەبەرئانینێ تەرخان بکەن، چاوا کو وە تەرخان کر. کەرەمکەن، رێکێ نیشانی سوپا و میتا تورکیا بدەن و جھێن گرنگێن پایتەختا کوردستانێ بفرۆشن وان، بازار و کۆمپانیایان بۆ وان د ناڤ کەرکوکێ دا ڤەکەن، کەرەمکەن ژ بۆ وان شەرێ پەکەکێ و جیھانێ بکەن. وەکو کارێ خوە یێ ھەردەمی، چاوا وە سەرێ شوانێت کورد دبڕی و ب ناڤێ پێشمەرگەیان تەسلیمی رژێما سەدان حسێن دکر، گەریلایان ل چیایان برەڤینن و سەرێ وان تەسلیمی ژاندرمەیێن تورک بکەن، وەک چاوا وە کریە و دکەن!

کەرەمکەن ھونەرێ روسوا بکەن، فلمان قەدەغە بکەن، شەھیدان ب سەدان جاران شەھید بکەن، پارکا ئازادی بکەنە زیندان نەک پێنج و دوو کەسان، ب ھەزاران کەسان تێدا زیندانی بکەن. کەرەمکەن ل پێشیا سوپایێ تورکیا ھەرن و بنکەیێن کوردان ل چار پارچەیان نیشانی وان بدەن. سنوران ل ھەمبەر رۆژئاڤا دابخەن، پێشمەرگەیێن رۆژھەلات تیرۆر بکەن. کەرەمکەن تشتێ دشێن بکەن، تەقسیریێ نەکەن. قەفتێن گولان ل سەر قەبرێ ئەتاتۆرک دانێن، دەست ل سەر سینگ و ب سەر شۆری ل ھەمبەر ئەردۆغان راوەستن، چ دخوازن بکەن، لێ چ جاران نەشێن تورک و دوژمنێن کوردستانێ رازی بکەن، ژ بەر سەدەمەکا بچووک، ئەو ژی ئەڤە کو کو چ جاران وە وەکی کوردەک نابینن، دزانن وە کوردبوون و مرۆڤبوونا خوە ژ دەست دایە، نەشێن چ جاری تورکان رازی بکەن، ژ بەر کو ئەو ژ وەلاتفرۆشەک و خائینەک زێدەتر، وە وەکی تشتەکی دی نابینن! ئەو دزانن ئاریشەیا راستەقینەیا کوردان ل جەم کوردان ب خوە یە. ئەو دزانن ب تنێ خەلکێ کوردستانێ مەزن و خوەدانێ خوە یە، ئەو دزانن، کو ھون بۆ دوژمنان ژی ژ بلی خائینەکێ چرووک ل ھەمبەر گەل و نیشتمانێ خوە، تشتەکێ دی نینن!!!



‌بەپەلە