سەرنووچە:

چما نونەرێن ڤی گەلی بێدەنگن؟

11/16/2018 6:45:39 PM
22178 جار خوێندراوەتەوە
سیپان ئامێدی
+ -

شەرمەزاییەکا مەزنە بۆ پەرلەمانتارێن کوردستانێ ب ئاوایەکێ گشتی و پەرلەمانتارێن دھۆکێ ب تایبەتی بۆ بێ دەنگبوونا وان لھەمبەر دەست درێژی و شەھیدکرنا خەلکێ سڤیلێ پارێزگەھا دھۆکێ لسەر دەستێ ئارتێشا تورکیا.

چما ھین بێدەنگن لھەمبەر شەھیدبوونا وەلاتیێن سڤیلێن دھۆکێ ب دەستێ داگیرکەرییا دەوڵەتا تورکیا.

 ھین زیرەکبوون بۆ بدەستڤەئینانا دەنگان ل ھەمی دەرگەھان بدەن، لێ ژبۆ ھەلوێست وەرگرتنێ بەرامبەر وێ ستەما تورکیا دکەت دبێدەنگن، بوچی ھین بەرژەوەندیا حزبی ل پێشی یا بەرژەوەندی یا خەلکی ددانن.

ھین ب ڤی ئاوای دێ نینەراتی یا خەلکێ خۆ کەن بلا ئەڤرو مە ھەمویان پێکڤە وەک نونەرێن دھۆکێ بێ گوھدانا ئایدولوجیا حزبی ھەلویستەکێ توند ھەبیت و ل ھەمبەر بارەگایێن ھێزێن تورکیا خرڤەببین و داخازا نەمانا وان بارەگەھان بکەین، بلا وێ سۆیندا پیرۆز ب پارێزین کو مە ل پەرلەمانی خواریە.