سەرنووچە:

دیموکراسیەت دناڤبەرا جڤاکێن سەردەم و کلاسیک دا

7/3/2019 10:23:23 AM
2152 جار خوێندراوەتەوە
دلاوەر سەعدوڵا
+ -

گرنگە کۆمەلەک پرسیاران ژ خۆ بکەین :

١ _ ئەرێ راستە دیموکراسیەت ل رۆژھەلاتا ناڤەراست ب گشتی و جیھانا سیێ ب تایبەتی ب ھەلچوویە و شکەستن دئاستێ جیھانگیریا جیھانی ئینایە .

٢ _ ئەرێ راستە زۆربەیا زۆرا کەسایەتیێن رەوشەنبیر ھزردکەن کو دیموکراسیەت ژبەرھەمێن رۆژئاڤایە و دگەل بلندیا جڤاکێن پێشکەفتی و سەردەم و مودرێن دگونجیت و دووری داب و نەریت و ئایین و کەلتورێ جڤاکێن کلاسیکە .

٣ _ ب شێوەیەک دن ئەرێ راستە رێنما و بنەمایێن دیموکراسیەتێ ل رۆژھەلاتا ناڤەراست دا خەلەت دھێتە جێ بەجێکرن و ھەلگرێن جێ بەجێکرنێ کەسایەتیێن ساختەچی و نادیموکراسی نە .

بەرسڤدان ژ بۆ ڤان جورە پرسیاران ل دەستپێکێ پێنگاڤێن سەرەکیێن سەرکەفتنا سیستەمێ دیموکراسی و چینەکا سیاسی و رەوشەنبیریا شایستەیە و سەرەرایی ھەبوونا ھێزەکا چەکداریا بھێزە کو دشیاندابیت سیستەمی ب پارێزیت ژ ھەرەشە و ناکوکی و دەست درێژیێن دەرەکی ، ھەروەسا پێتڤیە سیستەمەکێ ئابووری بھێز ھەبیت بشێت ژیانەکا سەربلند بوو وەلاتیان دابین بکەت ، یاگرنگ ژھەموویان پێتڤیە ھێزێن سیاسی باوەری ب پێک ئینانا حکومەتێ و دەستھەلاتێ ھەبیت ب رێکێن ھەلبژارتنان ، دیسان گرنگە راگەھاندن ئازادبیت و دەزگەھێ دادوەری سەربەخۆبیت و گرەنتیا ژیانا وەلاتیان و پاراستنا مافێن مروڤی بەرقەراربکەت.

لێ ئەگەر ب راسگویی بەحس ل سەر بکەین بێگومان دیموکراسیەت ژبەرھەمێن وەلاتێن روژئاڤایێ  یە ئانکو ماندیبوونەکا ئێکجار زۆر لێ مەزاختیە و ناڤ لێ دانایە سیستەمێن دیموکراسی ،  لێ د بەرامبەر دا ئەو دیموکراسیەتا ل وەڵاتێن رۆژھەلاتا ناڤەراست ب گشتی و عیراق و ھەرێما کوردستانێ ب تایبەتی دھێتە جێ بەجێکرن و دھێتە پەیرەوکرن زۆربەیا وەلاتێن رۆژئاڤایی دەستپێشخەری بوو راگەھاندیە ژبەرکو بزاڤەکە کارڤەدانێن خۆ پێ جوان دکەن و کومەلگەھێن خۆ پێ دروست دکەن ، باش دزانن دسیستەمێن سیاسیێن وەلاتێن رۆژھەلاتا ناڤەراست دا بتنێ بەرژەوەندیێن کەسایەتی و بەرژەوەندیێن تایبەت و بەرژەوەندیێن حزبی بەرچاڤ دھێنە وەرگرتن ژ بەرژەوەندیێن گشتی ، زێدەباری قۆرخکاریا دەستھەلاتێ و مانا وێ ل سەر کورسیکێ و دەست ب سەر داگرتنا مال و سامان و داھاتێ گشتی یێ کومەلگەھێ .

لێ پرسیارا ھەری گرنگ ئەوە ، ئایا جڤاکێ کوردی ل ھەرێما کوردستانێ چەوان دسیستەمێ دیموکراسی دگەھیت و گەھشتینە چ ئاستێ جیھانگیری و پێشکەفتنا نوخبەیا رەوشەنبیری و سیاسی ؟

تێگەھشتنا جڤاکێ کوردی ژ بۆ سیستەمێ دیموکراسی ھزردکەت دیموکراسیەت بتنێ چوونا وان ژ بۆ سندوقێن دەنگدانێ و ھەبوونا پرۆسەیا ھەلبژارتنایە و ئەگەر باس ل بنەمایێن دیموکراسیەتێ بکەین ب تایبەت تێگەھێ ماف و ئازادیان ھەلبەت جڤاکەک گونجایە دگەل ستەما دەستھەڵاتێ ژبەر کو دەستھەڵات ماف و ئازادیان و کەسایەتیێن ئازادی خوازێن راستەقینە ب بەرەڵایی و ئاژاوەچی دزانیت و تاکێ گەمژە ماف و ئازادیان ب بەرەڵایی تێدگەھیت .

ل داویێ پێتڤیە دیاربکەین کو زۆرا گرنگە تێبگەھین چەوان بگەھینە ئارمانجێ ، چەوان بگھۆرین ، چەوان ھزربکەین ، چەوان نموونا دروست بکەین ، ئەم ھزرناکەین جڤاکێن پێشکەفتی و مودرێن د چ ئاستێ رەوشا ژیانێ دانە ، د چ ئاستێ مەزناھیا سیستەمێن سیاسی و مەدەنی و دیموکراسی دانە ، ل ڤێرێ ئەم پێتڤی گھۆرینێ نە و ئەم پێتڤی دروستکرنێ نە ، لێ گھۆرینێ و دروستکرنێ ژ چ دەست پێبکەین ، ب دیتنامن ئێکەم کارڤەدانا گەھشتنێ ژ بوو گھۆرینێ و دروستکرنێ ئەم پێتڤی ناخەکێ وێرەک و دل ب ھێزاینە کو کردارێ ب عەقل و لوژیک تەماشە بکەن نە بزاڤێن گھورینێ و دروستکرنێ ب کردارێن ئاژاوەگیری ل قەلەم بدەن ، ئاخر بلا ئەم ژیک خۆ بگھۆرین و خۆ دروستبکەین و سەرێن خۆ بلندبکەین ب سیستەمێن دیموکراسی و ناخێن خۆ ب ھەژی ب زانین د بەھەشتا دیموکراسیێ دا .