سەرنووچە:

ب تەنێ هەزار و ٥٠٠ میل چارگۆشە ژ ئاخا سوریایێ د دەستێ داعشێ دا مایە

د دەمەک نێزیک دا داوی ل چەکدارێن داعشێ ل سوریایێ تێ
فۆتۆ: 
2019-02-02

411 جار خوێندراوەتەوە

مالپەرا سی ئێن ئێن یا ئەمریکی راگەهاند، ب تەنێ هەزار و ٥٠٠ میل چارگۆشە ژ ئاخا سوریایێ د دەستێ داعشێ دا مایە.

مالپەرا سی ئێن ئێن ژ زارێ شەرڤانێن هێزێن سوریایا دەموکراتیک دازانین، ب هەڤکاری و پشتگیریا هێزێن ئەسمانیێن هەڤپەیمانان دکارن، پێگەها داویێ یا چەکدارێن داعشێ ل سوریایێ کۆنترۆل بکەن.

هەروەسا دیار کر، ئەگەر پێشکەتنێن شەرڤانان ب ڤی ئاوایی بەردەوام بن، دکارن د ناڤا ١٠ رۆژێن داهاتی دا، داویێ ل چەکدارێن داعشێ ل سوریایێ بینن.

وێ مالپەرێ ژ زارێ شەرڤانان دازانین، ب تەنێ هەزار و ٥٠٠ میل چارگۆشە ژ ئاخا سوریایێ د دەستێ داعشێ دا مایە.

دوهی وەزارەتا بەرەڤانیا ئەمریکایێ راپۆرەک دەربارێ مەترسیێن پشتی ڤەکشاندنا هێزێن وەلاتێ خوە ژ سوریایێ بەلاڤ کربوو و دابووزانین، د گەل ڤەکشاندنا هێزێن ئەمریکایێ، چێدبیت چەکدارێن داعشێ هەژمارەک ناڤچەیێن سوریایێ کۆنترۆل بکەن.

هـ.ج