سەرنووچە:

سی ئێن ئێن: ئەمریکایێ هێزەکا دن ژ بۆ سوریایێ دشینە

دەما شاندنا هێزێ نەهایە ئەشكەرە کرن
فۆتۆ: 
2019-01-24

347 جار خوێندراوەتەوە

هەژمارەک چاڤکانیان ژ وەزارەتا پاراستنا ئەمریکایێ "پنتاگۆن" ئاشکرا کر، هێزەکا دن یا ئەمریکی بۆ سوریایێ دێ بێ شاندن و ئەرکا وێ هێزێن ژی پاراستنا پرۆسەیا ڤەکشاندنا هێزێن ئەمریکا ژ وی وەلاتی یە.

تەڤی وێ یەکێ کو چاڤکانیێن وەزارەتا بەرەڤانیا ئەمریکایێ جهـێ شاندنا هێزێن خوە و هەژمارا سەربازان بۆ سی ئێن ئێن ئاشکرا نەکریە، لێ دازانین، ئەرکا هێزا کو نوو ژ بۆ سوریایێ دێ بێ شاندن، پاراستنا هێزێن دن یێن ئەمریکا  و دابینکرنا ئەولەهیێ د دەما ڤەکشاندنا هێزێن ئەمریکایێ یە.

بەرپرسێن ئەمریکی دیار کرن، ژ بەر پاراستنا ئەولەهیێ، هوردەکاریێن شاندنا وێ هێزێ و جهێ وان نایێ ئاشکرا  کرن، ژ بەر کو هێژ ژی مەترسیا چەکدارێن داعشێ ، هێزێن حکومەتا سوریا و میلیشیایێن سەر ب ئیرانێ ل سوریایێ هەیە.

بریارا ئەمریکایێ د دەمەکی دا یە کو داعشێ بەرپرسیاریا خوە ژ هێرشا منبجێ راگەهاندبوو کو د ئەنجامێ دا چار سەربازێن ئەمریکی هاتبوون کوشتن.

هـ.ج