سەرنووچە:

فەرەنسا: ئەمریکایێ هەست ب گرنگیا پاراستنا کوردان ل سوریایێ کر

پشتى بریارا ڤەکێشانا هێزێن خۆ ل سوریایێ
فلۆرێنس پارلی وەزیرا بەرڤانیا فەرەنسایێ
فۆتۆ: 
2019-01-20

119 جار خوێندراوەتەوە

وەزیرا بەرڤانیا فەرەنسایێ ڕاگەهاند، ئەمریکایێ هەست ب پاراستنا کوردان کریە ل پشتى بریارا ڤەکێشانا هێزێن خۆ ل ئاخا سوریایێ.

فلۆرێنس پارلی وەزیرا بەرڤانیا فەرەنسایێ ئەڤرۆ ڕۆژا یەک شەمبى(٢٠ێ چلەیا ٢٠١٩)ێ ڕاگەهاند، ئەمریکا گرنگیا پاراستنا هەڤپەیمانێن کورد بۆ دەرکەفتیە، پشتى ڤەکیشانێ ل سوریایێ.

وەزیرا بەرەڤانیا فەرەنسایێ ئاماژە بوێ چەندێ ژى کر، مژارا پاراستنا کوردان ب گرنگى دهێتە بەحسکرن، ژبەر کو بەری نها باشترین هەڤپەیمانێن ئەمریکایێ بوون د شەرێ دژى داعش دا.

د داخویانیەکێ دا بۆ میدیایێن ولاتێ خۆ وەزیرا بەرەڤانیا فەرەنسایێ زەلال کر، ئەو بابەت یێ گرێدایە ب پێدڤیا پارێزگاریکرنا کوردانە، ژبەر وێ چەندێ ئەمریکا ئەو بابەتە ب گرنگ وەرگرتیە.

مەها بوورى ئەڤە ژى د دەمەکێ دایە، ترەمپ ب فەرمى ڤەکێشانا هێزێن خۆ ل ڕۆژئاڤایێ کوردستانێ ڕاگەهاند و ئاماژە ب وێ چەندێ ژى کر، پشتى سەرکەفتنا مە ب سەر داعشێ دا ل سوریا، دەمێ وێ چەندێ یێ هاتى هێزێن خۆ ڤەکێشین.

ڕۆژا پینج شەمبى (١٧ێ چلەیا ٢٠١٩)ێ سەرۆکێ فەرەنسایێ ڕاگەهاند، مانا هێزێن ولاتێ خۆ ل سوریا و عێراقێ بۆ ئەڤ سالە راگەهاند.

م.ن