سەرنووچە:

داعش ل خانەقینێ هێرشى سەر پۆلیسێن عێراقێ کر

فۆتۆ: 
2019-01-20

144 جار خوێندراوەتەوە

ئەڤرۆ ئێڤارى  چەکدارێن داعش ل گوندێ شێرک ل ڕۆژئاڤایا خانەقینێ هێرش کرە سەر  بارەگەهەکێ پۆلیسێن عێراقێ، د ئەنجام دا پۆلیسەک هاتە کوشتن و یەکێ دى ژى برینداربوو.

ئاکنجیێن گوندێ شێرک بۆ دیجیتال میدیایا ئێن ئاڕ تى ڕاگەهاند، چەند چەکدارێن داعش هێرش کرە سەر بارەگەهەکێ پۆلیسێن عێراقێ د گوندى دا، د ئەنجام دا پۆلیسەک هاتە کوشتن و یەکێ دى ژى برینداربوو.

ئەو یەک ژی  ڕاگەهاند، پشتی هێرشی چەکدارێن داعشێ بۆ ناڤ دارستانێن سیروان ڕەڤینە.

ئاکنجیێن وی گوندی دبێژن، ئەو ژی مل ب ملێ پۆلیسێن عێراقێ بەرەڤانیێ دکەن و د هێرشا ئەڤرۆ ئێڤاری دا ژی ڕۆبرووی چەکدارێن داعشێ بوونە.

دەما چەند ڕۆژانە چەکدارێن داعشێ ناڤ بناڤ هێرشی سەر پۆلیسێن عێراقێ د وی سنوری دا دکەن و هندەک ژی ل گوندێ شێرک نێزیکن.

داوییا مەها بووری ژی نێزیکی ٢٠ چەکدارێن داعشێ چوونە سەر کارگەهەکا حەس و خیزان ل گوندێ شێرک یێ سەر ب قەزا خانەقین و دوو زێرەڤانێن کارگەهێ ژی بۆ دەمەکێ دەستەسەرکرن.

م.ن

‌بەپەلە